Сўнгги пайтларда янги UzAuto Motors автомобилларига автокредит олишда ўзининг «ёрдамини» таклиф қилаётган воситачилик компаниялари устидан шикоятлар тез-тез учрамоқда. Воситачилар ўз хизматларини бир неча миллион сўмга баҳоламоқда.
«Янги машина учун автокредит олишда ёрдам бераман», — бундай эълонларни бугун интернетда тез-тез учратиш мумкин. Воситачилик ташкилотлари мижозларни қулай фоиз ставкалари билан жалб қилишади. Харидор банкдан кредит олади, лекин шу билан бирга «ёрдами» учун воситачи компанияга маълум миқдорда пул ҳам тўлайди.
«Капиталбанк» АТБ янги UzAuto Motors автомобиллар учун кредитлар тўғридан-тўғри харидорга банк ва ишлаб чиқарувчининг қўшма дастури доирасида, ҳеч қандай воситачи ташкилотларнинг иштирокисиз берилишини таъкидлади. Бегона компаниянинг қарз олувчи даромадлари етарли бўлмаган тақдирда ҳам «муаммони ҳал қилиши» ҳақидаги барча ваъдалари ёлғон. Банклар қарз олувчиларнинг даромадлари тўғрисидаги маълумотларни тўғридан-тўғри Давлат солиқ қўмитасининг маълумотлар базасидан сўрайди.
Автосалондан янги автомобиль сотиб олиш учун кредитни фақат банкка шахсан мурожаат қилиш орқали олиш мумкин. «Капиталбанк»да автокредитни расмийлаштириш максимал даражада соддалаштирилган ва кўп вақтни талаб қилмайди. Огоҳ бўлинг!
Қўшимча маълумотларни kapitalbank.uz веб-сайтидан ёки алоқа марказининг +99871 200 15 15 телефон рақами орқали билиб олишингиз мумкин.
«Капиталбанк» ижтимоий тармоқларда:
Facebook: www.facebook.com/kapitalbank.uz
Instagram: kapitalbank.uz
Telegram канал: t.me/kapital24
Реклама ҳуқуқи асосида.
Изоҳ (0)