«Юзма-юз учрашувлар ҳар доим фойдали». Байден ва Путиннинг Женевадаги тўрт соатлик учрашуви — суратларда
Жо Байден ва Владимир Путиннинг давлат раҳбарлари мақомидаги биринчи учрашуви Женевада бўлиб ўтди. Музокаралар тахминан тўрт соат давом этди. «РБК» АҚШ ва Россия президентларининг учрашуви қандай ўтгани ҳақида фоторепортаж тайёрлади.
Учрашув Женеванинг La Grange вилласида бўлиб ўтди.Фото: «ТАСС»
Вилла атрофида хавфсизлик чоралари кучайтирилган. Швейцария ҳукумати мамлакатнинг бошқа ҳудудларидан 900 нафар полициячи ва 1000 нафар ҳарбий хизматчини Женевага жўнатган.Фото: Getty Images
Вилла жойлашган боғ атрофида бир неча километрлик панжара ўрнатилган. Швейцария ОАВлари таъкидлашича, бу вазифа осон бўлмаган, чунки Женеванинг ўзида бундай тўсиқлар етарли эмас, шунинг учун уларни мамлакатнинг бошқа шаҳарларидан олиб келишга тўғри келган.Фото: Getty Images
Фото: Getty Images
Жо Байден Женевага саммитдан бир кун олдин, 15 июнь куни Брюсселдан учиб келди. Унинг Европадаги мазкур сафари президентлик лавозимга киришганидан бери биринчи хорижий сафаридир.Фото: Getty Images
La Grange вилласига Байден россиялик ҳамкасбидан чорак соат кейин кириб келди.Фото: AP Photo
Вилланинг айвонида Путин ва Байденни Швейцария президенти Ги Пармелен кутиб олди (марказда).Фото: AP Photo
Россия ва АҚШ раҳбарлари қўл бериб саломлашди.Фото: «ТАСС»
Путин Байденга учрашув ўтказиш ташаббуси учун миннатдорчилик билдирди.Фото: AP Photo
Марказда чапдан ўнгга: Владимир Путин ва Ги Пармелен.Фото: AP Photo
Байден юзма-юз учрашувлар ҳар доим фойдали эканини айтди.Фото: «ТАСС»
Учрашувда Жо Байден Владимир Путинга Америка бизонининг биллур ҳайкалчаси ва авиатор кўзойнакларини совға қилди. Оқ уй вакилининг сўзларига кўра, совға қилинган ҳайкалчани Американинг Steuben Glass бадиий шиша ишлаб чиқарувчиси тайёрлаган. Кўзойнаклар эса АҚШ ҳарбийлари учун қуёшдан ҳимояловчи авиатор кўзойнакларини ишлаб чиқариш бўйича бош пудратчи Randolph компаниясига буюртма қилиб ясатилган.
Ўз навбатида, Путин Байденга Россия миллий ҳунармандчилик нақшлари билан безатилган «Москва» ёзув тўпламини совға қилди.
Музокаралар вилланинг Женевадаги энг сара китоблар билан тўлдирилган кутубхонасида бошланди.Фото: AP Photo
Россия ташқи ишлар вазири Сергей Лавров (марказда).Фото: Getty Images
Дастлаб музокаралар тор доирада бўлиб ўтди, унда президентлар билан бирга Лавров ва унинг америкалик ҳамкасби Энтони Блинкен ҳам қатнашди.Фото: kremlin.ru
Бу Путин ва Байденнинг президент сифатидаги биринчи учрашуви. Илгари улар 2011 йилда учрашган, ўшанда Путин бош вазир, Байден эса Барак Обаманинг вице-президенти эди.Фото: «ТАСС»
Россия делегацияси аъзолари, ўнгдан чапга: бош штаб бошлиғи Валерий Герасимов, президентнинг ёрдамчиси Юрий Ушаков, Владимир Путин, ташқи ишлар вазири Сергей Лавров, президент матбуот котиби Дмитрий Песков, Россиянинг АҚШдаги элчиси Анатолий Антонов.Фото: «ТАСС»
Музокаралардан сўнг биринчи бўлиб Владимир Путин матбуот анжумани ўтказдиФото: AP Photo
Россия президентининг сўзларига кўра, музокаралар пайтида ҳеч қандай душманлик кайфияти бўлмаган, мамлакатлар ўртасидаги муносабатларда кўплаб масалалар йиғилиб қолган, аммо иккала томон ҳам ечим излашга қатъий қарор қилган.Фото: Reuters
Владимир Путин аэропортга йўл олганидан кейин Жо Байденнинг матбуот анжумани бошланди. Америка президентининг сўзларига кўра, учрашув натижалари олти ой ичида аниқ бўлади, шу вақт ичида томонлар тегишли қарорларни қабул қилиши ёки қилмаслиги маълум бўлади.Фото: Reuters
Изоҳ (0)