“Yuzma-yuz uchrashuvlar har doim foydali”. Bayden va Putinning Jenevadagi to‘rt soatlik uchrashuvi — suratlarda
Jo Bayden va Vladimir Putinning davlat rahbarlari maqomidagi birinchi uchrashuvi Jenevada bo‘lib o‘tdi. Muzokaralar taxminan to‘rt soat davom etdi. “RBK” AQSh va Rossiya prezidentlarining uchrashuvi qanday o‘tgani haqida fotoreportaj tayyorladi.
Uchrashuv Jenevaning La Grange villasida bo‘lib o‘tdi.Foto: “TASS”
Villa atrofida xavfsizlik choralari kuchaytirilgan. Shveysariya hukumati mamlakatning boshqa hududlaridan 900 nafar politsiyachi va 1000 nafar harbiy xizmatchini Jenevaga jo‘natgan.Foto: Getty Images
Villa joylashgan bog‘ atrofida bir necha kilometrlik panjara o‘rnatilgan. Shveysariya OAVlari ta’kidlashicha, bu vazifa oson bo‘lmagan, chunki Jenevaning o‘zida bunday to‘siqlar yetarli emas, shuning uchun ularni mamlakatning boshqa shaharlaridan olib kelishga to‘g‘ri kelgan.Foto: Getty Images
Foto: Getty Images
Jo Bayden Jenevaga sammitdan bir kun oldin, 15-iyun kuni Bryusseldan uchib keldi. Uning Yevropadagi mazkur safari prezidentlik lavozimga kirishganidan beri birinchi xorijiy safaridir.Foto: Getty Images
La Grange villasiga Bayden rossiyalik hamkasbidan chorak soat keyin kirib keldi.Foto: AP Photo
Villaning ayvonida Putin va Baydenni Shveysariya prezidenti Gi Parmelen kutib oldi (markazda).Foto: AP Photo
Rossiya va AQSh rahbarlari qo‘l berib salomlashdi.Foto: “TASS”
Putin Baydenga uchrashuv o‘tkazish tashabbusi uchun minnatdorchilik bildirdi.Foto: AP Photo
Markazda chapdan o‘ngga: Vladimir Putin va Gi Parmelen.Foto: AP Photo
Bayden yuzma-yuz uchrashuvlar har doim foydali ekanini aytdi.Foto: “TASS”
Uchrashuvda Jo Bayden Vladimir Putinga Amerika bizonining billur haykalchasi va aviator ko‘zoynaklarini sovg‘a qildi. Oq uy vakilining so‘zlariga ko‘ra, sovg‘a qilingan haykalchani Amerikaning Steuben Glass badiiy shisha ishlab chiqaruvchisi tayyorlagan. Ko‘zoynaklar esa AQSh harbiylari uchun quyoshdan himoyalovchi aviator ko‘zoynaklarini ishlab chiqarish bo‘yicha bosh pudratchi Randolph kompaniyasiga buyurtma qilib yasatilgan.
O‘z navbatida, Putin Baydenga Rossiya milliy hunarmandchilik naqshlari bilan bezatilgan “Moskva” yozuv to‘plamini sovg‘a qildi.
Muzokaralar villaning Jenevadagi eng sara kitoblar bilan to‘ldirilgan kutubxonasida boshlandi.Foto: AP Photo
Rossiya tashqi ishlar vaziri Sergey Lavrov (markazda).Foto: Getty Images
Dastlab muzokaralar tor doirada bo‘lib o‘tdi, unda prezidentlar bilan birga Lavrov va uning amerikalik hamkasbi Entoni Blinken ham qatnashdi.Foto: kremlin.ru
Bu Putin va Baydenning prezident sifatidagi birinchi uchrashuvi. Ilgari ular 2011-yilda uchrashgan, o‘shanda Putin bosh vazir, Bayden esa Barak Obamaning vitse-prezidenti edi.Foto: “TASS”
Rossiya delegatsiyasi a’zolari, o‘ngdan chapga: bosh shtab boshlig‘i Valeriy Gerasimov, prezidentning yordamchisi Yuriy Ushakov, Vladimir Putin, tashqi ishlar vaziri Sergey Lavrov, prezident matbuot kotibi Dmitriy Peskov, Rossiyaning AQShdagi elchisi Anatoliy Antonov.Foto: “TASS”
Muzokaralardan so‘ng birinchi bo‘lib Vladimir Putin matbuot anjumani o‘tkazdiFoto: AP Photo
Rossiya prezidentining so‘zlariga ko‘ra, muzokaralar paytida hech qanday dushmanlik kayfiyati bo‘lmagan, mamlakatlar o‘rtasidagi munosabatlarda ko‘plab masalalar yig‘ilib qolgan, ammo ikkala tomon ham yechim izlashga qat’iy qaror qilgan.Foto: Reuters
Vladimir Putin aeroportga yo‘l olganidan keyin Jo Baydenning matbuot anjumani boshlandi. Amerika prezidentining so‘zlariga ko‘ra, uchrashuv natijalari olti oy ichida aniq bo‘ladi, shu vaqt ichida tomonlar tegishli qarorlarni qabul qilishi yoki qilmasligi ma’lum bo‘ladi.Foto: Reuters
Izoh (0)