Футбол бўйича Европа чемпионати гуруҳ босқичи 1-тури доирасида Польша терма жамоаси 14 июнь, душанба куни Словакия билан баҳс юритди.
Учрашув кутилмаганда Словакиянинг ғалабаси билан якунланди. 18-дақиқада Войчех Шченсни Роберт Макнинг зарбасини ўз дарвозасига тўғрилаб қўйди. Бунга поляклар иккинчи бўлимнинг аввалида Карол Lineттининг голи билан жавоб қайтарганди. Бироқ 69-дақиқада Милан Шкриньяр кучли зарбаси билан Польша посбонини ранжитди ва жамоасининг ғалабасини таъминлади. Қайд этиш жоиз, ўйиннинг 62-дақиқасида Польша бир киши кам бўлиб қолди. Гжегож Криховяк майдонни жамоадошларидан эрта тарк этди.
Гуруҳнинг иккинчи ўйинида Испания Швеция билан тўқнаш келади.
Евро—2020
Гуруҳ босқичи, 1-тур
14 июнь, душанба
Польша — Словакия 1:2
Голлар: 0:1 – 18, автогол Шченсни, 1:1 – 46 Lineтти, 1:2 – 69 Шкриньяр.Польша: Шченсни, Беднарек, Берешински, Глик, Рибус (Пухач, 74), Клих (Модер, 85), Криховяк, Зелиньски (Швидерски, 85), Lineтти (Франковски, 74), Юзвяк, Левандовски.
Словакия: Дубравка, Шкриньяр, Губочан, Пекарик (Косселник, 79), Шатка, Мак, Гараслин (Дюриш, 87), Гамшик, Громада (Грошовски, 79), Дуда, Куска.
Огоҳлантиришлар: Губочан (20), Криховяк (22).
Четлатиш: Криховяк (62).
Изоҳ (0)