Пахта «тўп»лари ёки «ёстиқча»лари ҳар бир аёлнинг косметик жавонида мавжуд. Шунингдек, кўпчилик уларни фақат макияж ёки тирноқдаги бўёқни олиб ташлаш учун ишлатилиши мумкин, деб ўйлайди. Лекин бундай эмас.

Фото: «Домашний очаг»

Сув доғларини кетказади

Доғ бўлган жўмрак ёки душнинг қисмларини сирка билан намланган пахта «ёстиқча»си билан артиб олиш мумкин. Жуда қийин ҳолатларда уни доғ устига бир неча дақиқага қўйиш тавсия этилади.

Ҳаммом ҳидини йўқотади

Пахтадан тайёрланган «тўп» ёки «ёстиқча»ларга бир неча томчи эфир мойи (долчин, апельсин ва бошқалар) томдирилади ва уларни ойна олдидаги кичик идишга жойлаштирилади. Натижада ҳаммом нафис ҳид билан тўлади.

Танани тинчлантиради

Сирка эритмаси ёки сода эритмасига ботирилган пахта ёстиқчаси ҳашарот чаққанидан сўнг қичишиш ёки қуёш нурида куйган терини тинчлантириш хусусиятига эга.

Маркер изларини йўқотади

Агар болалар ўзларини маркер билан бўяшга одатланса, сутга ботирилган пахта «ёстиқча»си ёрдамга келади.

Кичик жойларни тозалайди

Агар пульт ёки компьютер клавиатурасини тозалаш керак бўлса, пахта «ёстиқча»лари спирт билан намланади. Яхшилаб сиқиб олингандан кейин энг ноқулай жойлар ҳам осонгина дезинфекция қилинади.

Хонаки ўсимликларни ҳимоя қилади

Сирка ичига ботирилган пахтали «шарча»лар гул тувакларга қўйилади, шунда уй ҳайвонлари ўсимликларни тишлаб ташламайди.

Кийимдан ручка изларини бартараф этади

Спиртга ботирилган «ёстиқча»лар билан ручка изи яхшилаб артилади ва бу уларнинг тоза бўлишига ёрдам беради.

Янги узилган гулларни сақлайди

Агар янги гулларни узоқ масофага етказиб бериш керак бўлса, сувга ботирилган пахта «ёстиқча»лари пакетга солиниб, гулдастанинг кесимигача лента билан боғланади. Бу уларнинг намлигини сақлайди ва йўлда уларни гулдон билан кўтариб кетишга ҳожат қолмайди.