Тошкент шаҳри Аҳмад Дониш кўчасининг бир қисмида автомобиль ҳаракати вақтинча чекланади, дея хабар бермоқда шаҳар ҳокимлиги.

Фото: Тошкент шаҳри ҳокимлиги

Қайд этилишича, йўл таъмирлаш ишлари сабабли 18 май соат 00:00 дан Юнусобод тумани Аҳмад Дониш кўчасининг Нурафшон ва Мойқўрғон кўчалари оралиғидаги қисмида йўлнинг бир томони бир ярим ой муддатга автомобиллар ҳаракати учун ёпилади.

Икки томонлама ҳаракатланиш йўлнинг битта қатнов чизиғи орқали амалга оширилади.

Бундан аввал Тошкентда Юнусободга олиб борувчи асосий йўллардан бирининг фақат бир томони икки ой таъмирланиши ҳамда Ўзбекистон шаҳарларида транспорт тезлигини пасайтириш тўғрисида петиция эълон қилингани ҳақида хабар берилганди.