Bugun,

  • USD 11095.31
  • RUB 173.84
  • EUR 10772.44

Toshkent shahridagi Ahmad Donish ko‘chasining Yunusobodga olib boruvchi 4,5 kilometrdan ortiq bo‘lgan qismi ikki oyga yopiladi. Bu haqda poytaxt hokimligi matbuot xizmati ma’lum qildi.

Foto: Toshkent shahar hokimligi

Foto: Toshkent shahar hokimligi

Xabar berishlaricha, Ahmad Donish ko‘chasining Sebzordagi Nurafshon aylanma ko‘chasidan to Mega Planet savdo majmuasi oldidan o‘tgan Yangishahar ko‘chasigacha bo‘lgan qismi “yo‘l-ta’mirlash ishlari tufayli” yopilmoqda.

Qayd etishlaricha, bu vaqt davomida “ikki yo‘nalish harakatlanishi yo‘lning bitta tomoni bo‘ylab tashkil etiladi”. “Tirbandliklarning oldini olish uchun haydovchilarga aylanma yo‘llardan foydalanishni tavsiya etamiz”, — deyiladi hokimlik axborotida.

Ma’lumot uchun, Ahmad Donish ko‘chasining ayrim qismlari 2020-yil noyabridan beri to‘la ta’mirdan chiqarildi. Xususan, o‘tgan yil dekabrida ko‘chaning Kichik halqa yo‘li va Usta Shirin ko‘chalari ustidan o‘tgan ko‘prikli qismi ta’mirdan chiqqan bo‘lsa, 2021-yilning dastlabki oylarida Amir Temur shoh ko‘chasi ustidan o‘tgan yo‘l o‘tkazgich ta’mirlanib, foydalanishga topshirildi.

Bundan avvalroq, 2020-yil avgustida Ahmad Donish ko‘chasining Mega Planet’dan to Toshkent avtomobil halqa yo‘ligacha bo‘lgan, yangi qurilgan qismi foydalanishga topshirilgan edi. Hozirda ko‘chaning Amir Temur shoh ko‘chasi va Anorzor/Moyqo‘rg‘on ko‘chalari oralig‘idagi ikkilamchi yo‘llari, shuningdek, Kichik halqa yo‘li va Bog‘iravon 2-tor ko‘chasi oralig‘idagi ikkilamchi yo‘llari ta’mirlanmoqda.

Ta’kidlash joiz, shahar rasmiylari Ahmad Donish ko‘chasining aynan Nurafshon aylanma ko‘chasidan to Yangishahar ko‘chasigacha bo‘lgan qismini 2020-yilda to‘liq ta’mirdan chiqarishni rejalashtirgan edi. Reja bo‘yicha, butun ko‘cha bo‘ylab trotuarlar, veloyo‘laklar va bekatlar tashkil etilishi ko‘zda tutilgan, yo‘l o‘rtasidagi yashil hudud esa 3 metrdan 5 metrgacha kengaytirilishi rejalashtirilgan edi.

2020-yil yanvar oyida e’lon qilingan dastlabki reja bo‘yicha, Ahmad Donish ko‘chasining ushbu 4,5 kilometrlik qismini ta’mirlash uchun 110 milliard so‘m ajratilishi kerak edi.

Izoh
Asosiy yangiliklar
Dunyo
“Turkiya yangi dunyo tartibining markazida bo‘lishi kerak” — Erdo‘g‘on
Mahalliy
Andijonda 41 kishi jarohatlangan avtohalokat qurbonlari soni 4 nafarga yetdi
Mahalliy
O‘zbekistonda pomidor narxi barqarorlashdi