АҚШнинг бир нечта штатларида ёнилғи танқислиги туфайли фавқулодда ҳолат эълон қилинди

АҚШнинг шарқий қирғоғидаги бир нечта штатларда ёнилғи танқислиги сабабли минтақавий фавқулодда ҳолат эълон қилинди, деб ёзади Deutsche Welle.

Флорида, Жоржия, Шимолий Каролина ва Виржиния штатлари губернаторлари ёнилғиси тугаб бораётган бензин шохобчаларини камайтириш учун фавқулодда ҳолат эълон қилди. Colonial Pipeline линиясининг кутилмаган тарзда беркитилиши таъсирида қолган штатларда бензин, дизель ёнилғиси, авиация ёнилғиси ва бошқа нефтни қайта ишлаш маҳсулотлари таъминоти узилиб қолди.

Фавқулодда вазиятни эълон қилиш штатларга зарур пайтда Миллий Гвардияни фаоллаштиришга имкон беради ҳамда давлат амалдорлари ва маҳаллий ҳокимият органлари ўртасидаги ҳамкорликни тартибга солишга ёрдам беради.

Президент Жо Байден маъмуриятининг шарқий қирғоққа юбориладиган газининг деярли ярмини ташувчи мазкур қувур линияси дам олиш кунлари ишга туширилиши тўғрисида берган кафолатларига қарамай, америкаликлар ваҳима ичида газ баллонларига ёнилғи қуйишда давом этмоқда. Мавжуд захиралар минтақавий операторлар учун айтилган муддатгача етарли бўладими ёки йўқ, ҳали номаълум.

Америка автомобилсозлик ассоциацияси мамлакатда ўртача бензин нархи 2014 йил май ойидан бери энг юқори даражага яқинлашаётганини хабар қилди. Ҳукумат автомобиль эгаларини келажакда фойдаланиш учун бензин ғамлаб қўймасликка чақириб, бу вазиятни янада оғирлаштириши мумкинлиги ҳақида огоҳлантирди.

«Биз одамлардан ёнилғи ғамламасликни сўраймиз. Тез орада ҳаммаси ўз ҳолига қайтади», — дея ишонтирди АҚШ энергетика вазири Женнифер Гранхолм.

8 май куни АҚШдаги энг йирик қувур операторларидан бири бўлган Colonial Pipeline Company хакерлик ҳужумига учради ва қувур фаолиятини тўхтатишга мажбур бўлди. Компания маълумотларига кўра, у ўз тизими орқали кунига 100 миллион галлон ёнилғи ўтказади, бу шарқий соҳилда истеъмол қилинадиган ёқилғининг 45 фоизини ташкил этади ва 50 миллион америкаликни ёнилғи билан таъминлайди.