«Ювентус» дарвозабони Жанлуижи Буффон 2020/21 йилги мавсум охирида Турин клубини тарк этишини маълум қилди.
Ҳар бир бошланган нарсанинг охири бор. «Юве»даги фаолиятимнинг иккинчи қисми якунланди. Қарор қабул қилинди. Бу бир неча ой давомида муҳокама қилинганди. Аммо осон бўлмади. Чунки бу жой билан алоқани узиш осон эмас. Бу ер менинг тарихим, қувончим, кўз ёшларим ва уйимдир. Аммо вақти келди. Сизга ўз миннатдорчилигимни билдиришга сўзлар ожизлик қилади.Аввалроқ 43 ёшли дарвозабон маҳаллий нашрлардан бирига берган интервьюсида мавсум сўнгида жамоани тарк этиши ҳақида гапирганди.Мен боримни бердим ва бундан ҳам кўпроқ нарсани олдим. Вақт келади ва бу ҳақда китоблар ёзилади. Ва биз яшашда давом этамиз. Ҳар доим ва охиригача.
Жанлуижи Буффон, «Ювентус» дарвозабони
Маълумот учун, Буффон 2001 йилдан 2018 йилгача «Ювентус» шарафини ҳимоя қилган. Шундан сўнг у бир мавсум давомида «ПСЖ» сафида тўп сурди ва 2019 йилнинг ёзида яна Турин клубига қайтди.
Буффон жорий мавсумда А Серияда 7 та ўйин ўтказиб, шулардан 3 тасида ўз дарвозаси дахлсизлигини сақлаб қолди.
Изоҳ (0)