Франциянинг гиперкарлар ишлаб чиқариш билан шуғулланувчи Bugatti бренди Испаниянинг IХО Cаrbon компанияси билан биргаликда углерод тола ва алюминийдан ишланган бильярд столини тақдим этди, деб хабар беради Motor.
Bugatti гиперкарлар ишлаб чиқарувчиси ҳамда углерод толадан деталлар тайёрлашга ихтисослашган IХО Cаrbon компанияси юқори технологик ва ултразамонавий бильярд столини яратди. Унинг каркаси алюминийдан ишланган бўлиб, ён қисмига компьютер бошқарув тизими ўрнатилган ва кўзгу каби силлиқланган.
Шундан сўнг ром поливинилхлоридли углерод тола билан қопланган. Бильярд столининг муҳим жиҳати — кузатувчи узатма орқали автоматик тўғрилаш тизими. Агарда стол яхта бортига ўрнатилса, унинг ҳар бир оёғи кеманинг чайқалишини қоплаши мумкин.
IХО Cаrbon’нинг маълум қилишича, столнинг ҳар бир таянчи Siemens томонидан ишлаб чиқарилган ёрдамчи узатма билан жиҳозланган бўлиб, беш миллисония ичида яхтанинг ҳаракатига жавоб қайтаради. Бироқ бу каби технология учун катта маблағ тўлашга тўғри келади: стол нархи 300 минг долларни ташкил этади. Ушбу қийматга ўйин учун барча зарурий аксессуарлар ҳам киритилган. Bugatti ва IХО Cаrbon бильярд столи жами 30 нусхада яратилган.
Аввалроқ Rolls-Royce эгалари учун махсус бильярд столи яратилгани тўғрисида хабар берилганди.
Изоҳ (0)