3 май куни Айова штатининг Де-Мойн шаҳри аҳолиси ўз уйлари қаршисида пайдо бўлган 1,5 метрли аллигатор сабаб кўчада чиқа олмади, деб хабар беради Meduza.
Бу каби ҳолат исталган инсонни қўрқитиб юбориши мумкин: одамлар уйларига беркиниб олиб, Бошпанасиз ҳайвонларни ушлаш хизматини ёрдамга чақирган.
Хизмат ходимлари айтилган манзилга етиб келган, бироқ қўрқинчли аллигатор аслида юмшоқ ўйинчоқ бўлиб чиққан. Уни кимдир автотураргоҳда қолдириб кетган. Ўз жонидан хавотирга тушган одамлар эса унга яхшилаб назар солмаган. Энди ўйинчоқ Бошпанасиз ҳайвонларни тутиш хизмати офисида «яшамоқда».
Аввалроқ Американинг Мериленд штатидаги Роквилл шаҳри полициясига I-270 йўлагида оқ йўлбарс ўтиргани ҳақида хабар келиб тушгани тўғрисида хабар берилганди. Воқеа жойига зудлик билан етиб борган полиция йўловчининг ёлғон гапирмагани, чиндан ҳам йўлбарс борлигини аниқлаган, аммо йиртқич аслида ҳайкал бўлиб чиққан эди.
Изоҳ (0)