Республика махсус комиссиясининг қарори билан Ўзбекистондан Ҳиндистон ва Туркияга амалга ошириладиган авиақатновлар учун вақтинчалик чекловлар ўрнатилди. Шу билан бирга, комиссия 10 майдан юқоридаги икки мамлакатга боришига рухсат этиладиган тоифаларни ҳам белгилаб берган.
Жумладан:
- хизмат сафарига борувчи Ўзбекистон фуқаролари ва фуқаролиги бўлмаган шахслар,
- хорижда таҳсил олаётган талабалар,
- Ўзбекистонда яшаш ҳуқуқига эга бўлган чет давлат фуқаролари,
- дипломатлар ва уларнинг оила аъзолари,
- хорижда фаолият юритувчи фуқаролар ва фуқаролиги бўлмаган шахслар,
- инвестиция лойиҳалари доирасида олиб келинган мутахассислар,
- транзит ва трансфер йўловчилар,
- хорижда даволаниш учун кетаётган фуқаролар ва фуқаролиги бўлмаган шахсларга (тегишли ҳужжатлар тақдим этилган тақдирда) авиачипталарни сотиш тизими жорий этилади.
- хизмат сафарига борувчи Ўзбекистон фуқаролари ва фуқаролиги бўлмаган шахсларга Республика махсус комиссиясининг рухсати билан авиачипталар сотилади;
- хорижда таҳсил олаётган талабалар, Ўзбекистонда яшаш ҳуқуқига эга бўлган чет давлат фуқаролари, дипломатлар ва уларнинг оила аъзолари, хорижда фаолият юритувчи фуқаролар ва фуқаролиги бўлмаган шахслар, инвестиция лойиҳалари доирасида олиб келинган мутахассислар, транзит ва трансфер йўловчилар, хорижда даволаниш учун кетаётган фуқаролар ва фуқаролиги бўлмаган шахсларга Ҳиндистон ва Туркияга бориш мақсадида авиачипта харид қилиш учун Республика махсус комиссиясининг рухсати талаб этилмайди.
Мавзуга доир: Ўзбекистонда 9 май куни дастурда белгиланмаган тадбирларни ўтказиш тақиқланади — Республика махсус комиссияси
Изоҳ (0)