Ўзбекистонда 7 май куни булутли об-ҳаво кузатилмоқда. «Ўзгидромет»нинг хабар беришича, Хоразм, Андижон, Наманган, Фарғона вилоятларида ва куннинг иккинчи яримда Тошкент, Самарқанд, Жиззах, Сирдарё вилоятларида баъзи жойларда қисқа муддатли ёмғир ёғиши, момақалдироқ бўлиши мумкин.
Республиканинг қолган ҳудудларида ёғингарчилик кутилмайди. Ҳарорат кундузи 25-30 даражани ташкил этади.
8 май, шанба куни барча ҳудудларда ёғингарчилик бўлиши эҳтимоли кам. Ҳаво ҳарорати кечаси 13-18 даража, кундузи 28-33 даража атрофида бўлади.
9 май, якшанба куни жанубдан булутли ҳаво оқимлари кириб келади, бунинг ҳисобига республика бўйича баъзи жойларда ёмғир ёғади, момақалдироқ бўлиши мумкин. Қорақалпоғистонда, Хоразм вилоятида ва Фарғона водийси вилоятларида ёғингарчилик кутилмайди. Ҳаво ҳарорати кечаси 13-18 даражани, кундузи 25-30 даражани ташкил этади.
Мавзуга доир: Ўзбекистонда 8 май куни об-ҳаво ёғингарчиликсиз ўтади
Изоҳ (0)