Xiaomi, Redmi va Poco smartfonlari uchun chiroyli yog‘och g‘iloflar sotuvga chiqdi
AliExpress internet maydonida Xiaomi smartfonlari uchun yog‘ochdan ishlangan juda chiroyli g‘iloflar 8,5 dollar qiymatida sotuvga chiqdi, deb xabar beradi IXBT.
Yog‘och korpus Xiaomi’ning mashhur modellari, jumladan, Xiaomi Mi 10, Xiaomi Mi 11 Pro, Xiaomi Mi 11 Ultra, Xiaomi Mi 9T, Xiaomi Mi 9, Xiaomi Mi Mix 3, Poco X3 Pro, Poco F3, Poco F2 Pro, Redmi Note 7, Redmi Note 8, Redmi K20 va boshqa smartfonlar uchun yaratilgan.
Mazkur g‘ilof massiv palisandr va termoplastik poliuretandan ishlangan bo‘lib, u har kuni foydalaniladigan smartfonni turli shikastlardan himoya qilishga bardoshli. G‘ilof konstruksiyasi kameralar xavfsizligini ta’minlab, yon tugmalarni bosishda noqulaylik tug‘dirmaydi.
Ushbu g‘iloflarda dunyoning turli burchaklaridan bo‘lgan chiroyli naqshlar, turli belgilar va qadimiy Xitoy yozuvlari tasvirlangan.
Avvalroq Rossiyada smartfonlar uchun ekologiyaga zarar keltirmaydigan somondan g‘ilof yaratilgani to‘g‘risida xabar berilgandi.
