Монополияга қарши курашиш қўмитаси раиси ўринбосари Бекзод Умматов АОКАда ўтказилган матбуот анжумани давомида Ўзбекистонда нима сабабдан шаҳар ва ёғ нархи ошиб кетганига изоҳ берди.
Маълум қилинишича, шакар ва ўсимлик ёғи нархининг ўсиши жаҳон бозори конюнктураси, яъни ўтларда шаклланадиган нархлар билан боғлиқ. Ўзбекистонда ўсимлик ёғининг асосий қисми импорт қилинади. Бу йил дунё миқёсида 9,1 фоиз миқдорда (50 миллион тонна йиғилган) мойли маҳсулотлар ҳосили кам бўлган. Бундан ташқари, Ўзбекистонга асосий экспортёр бўлган Россия давлатида ҳам ҳосил ўтган йилга нисбатан 13 фоизга кам бўлган.
Маҳсулотлар таннархи ошган бўлса-да, ушбу маҳсулотлар танқислиги кузатилмаяпти. Ички бозорда маҳсулот етарли даражада мавжуд.
Эътиборли жиҳати, мамлакатда нафақат ўсимлик ёғининг нархи ошиб кетди, балки республикада ишлаб чиқариладиган пахта чигитлари ва шунга мос равишда пахта ёғи ҳам қимматлашган.
«Қўмита мутасадди органлари билан биргаликда пахта ёғи ишлаб чиқариш учун асосий хом ашё — чигитлар нархининг ошиши борасида комплекс ўрганишни бошлаб юборди. Ўрганишлар тез кунда якунланади. Бу бўйича зарур ҳолларда маълумот берилади», — дейди Умматов.
Қўмита раиси ўринбосарининг сўзларига кўра, шакар нархи борасидаги вазият нисбатан барқарор: импорт қилувчилар ва ишлаб чиқарувчилар яхши захира шакллантирган. Ҳозирги нархларнинг ўзгариши мавсумий консервация билан изоҳланмоқда.
«Ушбу даврда шаҳар нархини барқарор ушлаб туриш чораларини кўрдик. Май ойида биржага қўшимга 10 минг тонна чиқарилади, бу ойлик нормадан 30 фоизга кўп демак. Шу сабабли мазкур маҳсулот нархи кескин ўзгаради деб ўйламайман», — дея қайд этади Бекзод Умматов.
Мавзуга доир: Шавкат Мирзиёев ўсимлик ёғи импортини ҚҚСдан озод қилиш ва унинг экспортини чеклаш тўғрисидаги қонунни имзолади
Изоҳ (0)