Ўзбекистонда 30 апрель куни коронавирус инфекциясини юқтириб олиш билан боғлиқ 442 та янги ҳолат рўйхатга олинди — бу кунлик касалланиш бўйича 2021 йилнинг энг юқори кўрсаткичидир. Бундан аввалги антирекорд 29 апрель куни қайд этилган, ўшанда 402 кишида COVID-19 тасдиқланган. Шундай қилиб, мамлакатда коронавирусга чалингани расман тан олинганлар сони 91 250 нафарга етди.
Янги касалланиш ҳолатларининг
- 7 нафари Қорақалпоғистон Республикасида,
- 6 нафари Андижон вилоятида,
- 10 нафари Жиззах вилоятида,
- 6 нафари Қашқадарё вилоятида,
- 4 нафари Навоий вилоятида,
- 5 нафари Наманган вилоятида,
- 53 нафари Самарқанд вилоятида,
- 5 нафари Сирдарё вилоятида,
- 6 нафари Сурхондарё вилоятида,
- 19 нафари Фарғона вилоятида,
- 2 нафари Хоразм вилоятида,
- 60 нафари Тошкент вилоятида,
- 259 нафари Тошкент шаҳрида
Вазирликнинг қўшимча қилишича, Қорақалпоғистонда 12 нафар, Бухорода 9 нафар, Жиззахда 2 нафар, Самарқандда 31 нафар, Сурхондарёда 4 нафар, Фарғонада 6 нафар, Тошкент вилоятида 47 нафар, Тошкент шаҳрида 125 нафар бемор тузалиб, касалликдан соғайганлар жами 87 313 нафарга етди ва соғайиш кўрсаткичи 96 фоизни ташкил қилмоқда.
Шунингдек, 1 нафар коронавирусга чалинган бемор вафот этиб, касалликдан вафот этганлар сони 650 нафарни ташкил қилмоқда. Айни пайтда тиббиёт муассасаларида 3287 нафар бемор даволаняпти.
Аввалроқ Ўзбекистондаги яна 3 та ОТМда ўқув жараёнлари онлайн шаклга ўтказилгани, Тошкентда 101 ёшли отахон коронавирусдан соғайиб чиққани, мамлакатда коронавирусга қарши эмланганлар сони 700 минг кишидан ошгани тўғрисида хабар берилганди.
Изоҳ (0)