Ижтимоий тармоқларда Олмалиқ шаҳрида аёллар томонидан йўлнинг қатнов қисми тўсилгани ҳақидаги фотосуратлар тарқалди. Мазкур ҳолат юзасидан Олмалиқ кон металлургия комбинати (ОКМК) ахборот хизмати изоҳ берди.
Унга кўра, Олмалиқнинг марказий кўчасида тўпланган аёллар шу йилнинг 1 апрель куни Олмалиқ шаҳар бандликка кўмаклашиш маркази томонидан квота олишган.
Ҳолат Бандлик ва меҳнат муносабатлари вазирлиги вакиллари иштирокида ўрганилмоқда. Йўлнинг қатнов қисми ҳаракат учун очилган. Вазият назоратга олингани маълум қилинди.
Бундан аввал Қашқадарёнинг Чироқчи туманида 1-синфда ўқувчи қиз ЙТҲ оқибатида вафот этгач, бир гуруҳ аёллар 23 апрель куни «Қарши—Самарқанд» йўлининг Хўжаобод қишлоғи ҳудудидан ўтувчи қисмини норозилик тариқасида тўсиб қўйганди. Вазият Сенат назоратига олинган.
Изоҳ (0)