Бугун,

  • USD 11095.31
  • RUB 173.84
  • EUR 10772.44

Ўзбекистонга 27 апрель куни коронавирусга қарши ZF-UZ-VAC 2001 ўзбек-хитой вакцинасининг яна 1 миллион дозаси Хитойдан олиб келинди. Бу ҳақда Соғлиқни сақлаш вазирлиги хабар бермоқда. Бир ой аввал худди шу вакцинанинг 1 миллион дозалик биринчи партияси Ўзбекистонга етиб келган эди.

Фото: Соғлиқни сақлаш вазирлиги

Фото: Соғлиқни сақлаш вазирлиги

Олдинроқ, 27 апрель куни Ўзбекистонга «Спутник V» вакцинасининг 50 минг доза иккинчи компоненти олиб келингани ҳақида хабар берилган эди. Соғлиқни сақлаш вазирлигидан маълум қилишларича, «AstraZeneca вакцинасининг ҳам янги патриясини келтириш бўйича амалий ишлар олиб борилмоқда».

26 апрель ҳолатига кўра, Ўзбекистонда 565 мингдан ортиқ фуқаро коронавирусга қарши эмланган. ССВ маълумотларига кўра, уларнинг 46 фоизи (263 мингдан ортиғи) айнан ZF-UZ-VAC 2001 вакцинаси билан эмланган. Жумладан, 65 ва ундан катта ёшдаги эмланувчиларнинг 148 мингдан ортиғи, тиббиёт ходимларининг 114 мингдан зиёди айнан шу вакцинани олган.

«Кеча, 26 апрель куни ZF-UZ-VAC 2001 вакцинаси билан эмланган фуқаролар сони 14 522 нафарни ташкил қилиб, ушбу вакцина билан кунлик эмланиш кўрсаткичи 68 фоизга етгани ҳам эътиборга лойиқ», — дейилади ССВ ахборотида.

Изоҳ
Асосий янгиликлар
Иқтисодиёт
Ўзбекистонда январь ойида кимларга энг юқори маош таклиф қилинди?
Дунё
“Россия ютқазади, Украина ғалабаси дунёни ўзгартиради”: Зеленский Буюк Британия парламентида нутқ сўзлади (видео)
Маҳаллий
Қорақалпоғистондаги уйда газ портлаши оқибатида бир киши вафот этди