Тошкент вилояти Нурафшон шаҳридаги «Обод турмуш» МФЙда жойлашган икки қаватли уйда газ-ҳаво аралашмасининг чақнаши содир бўлди, деб хабар бермоқда ФВВ матбуот хизмати.
Воқеа 27 апрель куни соат 11:40 да юз берган. Ҳодиса оқибатида бинонинг 2-қаватига жиддий зарар етган, шунингдек, бир киши ҳалок бўлган.
Мазкур ҳолат табиий газнинг сизиб чиқишидан келиб чиққани тахмин қилинмоқда. Айни дақиқаларда Фавқулодда вазиятлар вазирлиги қутқарувчилари воқеа жойида ишламоқда.
Вазирлик ушбу вазият юзасидан қўшимча маълумотлар берилиши билдирган.
Изоҳ (0)