Ўзбекистонда ўтган бир сутка ичида яна 348 кишида коронавирус тасдиқланди

Ўзбекистонда коронавирусга чалингани расман тан олинганлар сони 89 027 нафарга етди. Соғлиқни сақлаш вазирлиги маълумотларига кўра, 24 апрель куни мамлакатнинг 14 та ҳудудида жами 348 та касалланиш ҳолати аниқланган. Бундан бир кун аввал 399 кишида COVID-19 тасдиқланиб, кунлик касалланиш бўйича 2021 йилнинг янги антирекорди бўлганди.

Янги касалланиш ҳолатларининг:

• 6 таси Қорақалпоғистон Республикасида,
• 5 таси Андижон вилоятида,
• 1 таси Бухоро вилоятида,
• 9 таси Жиззах вилоятида,
• 4 таси Қашқадарё вилоятида,
• 3 таси Навоий вилоятида,
• 6 таси Наманган вилоятида,
• 40 таси Самарқанд вилоятида,
• 8 таси Сурхондарё вилоятида,
• 6 таси Сирдарё вилоятида,
• 3 таси Фарғона вилоятида,
• 7 таси Хоразм вилоятида,
• 68 таси Тошкент вилоятида,
• 182 таси Тошкент шаҳрида коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

Вазирликнинг қўшимча қилишича, Андижон вилоятида 16 нафар, Бухоро вилоятида 8 нафар, Жиззах вилоятида 13 нафар, Навоий вилоятида 6 нафар, Наманган вилоятида 7 нафар, Самарқанд вилоятида 29 нафар, Фарғона вилоятида 2 нафар, Хоразм вилоятида 2 нафар, Тошкент вилоятида 29 нафар, Тошкент шаҳрида 116 нафар бемор тузалиб, касалликдан соғайганлар жами 85 764 нафарга етди ва соғайиш кўрсаткичи 97 фоизни ташкил қилмоқда.

Шунингдек, 1 нафар коронавирусга чалинган бемор вафот этиб, касалликдан вафот этганлар сони 643 нафарни ташкил қилди.

Айни пайтда тиббиёт муассасаларида даволанаётган 2620 нафар бемордан 238 нафари оғир, 113 нафари эса ўта оғир аҳволда экани қайд этилган.

Ўзбекистон ҳудудлари бўйлаб 24 апрель куни жами 15 778 киши COVID-19’га қарши эмланиб, касалликка қарши эмланган фуқаролар сони 544 529 нафарга етди.

Бундан аввал Ўзбекистон касалхоналарида коронавирусга чалинган болалар сони ортаётгани, мамлакатда қайси касалликлардан ўлим ҳолати кузатилмаётгани ҳақида маълумот берилганди.