Болливуд юлдузлари Айшвария Рай ва Абҳишек Баччан тўйининг 14 йиллигини нишонлади

2021 йилнинг 20 апрель куни Болливуднинг энг таниқли жуфтликларидан бири – Абҳишек Баччан ва Айшвария Рай тўйининг 14 йиллигини нишонлади. Ўтган йиллар мобайнида жуфтлик тўғрисида омавий ахборот воситалари томонида турли хил миш-мишлар тарқатилди. Улардан энг қизиқларини эътиборингизга ҳавола этамиз.

Собиқ дўстлар сояси

Жуфтликнинг никоҳ маросимида пайдо бўлган модель Жаханви Капур – Абҳишекнинг собиқ севгилиси ажойиб томоша кўрсатган. Қизнинг сўзларига кўра, Абҳишек фақат унга тегишли бўлиши кераклиги, акс ҳолда уларнинг кўз ўнгида томирини кесиши билан таҳдид солган.

Фото: «Яндекс Дзен»

Шунингдек, жуфтликнинг никоҳ тўйи Айшвариянинг собиқ дўстида стрессни келтириб чиқарган. Шри-Ланка фуқароси Нирошан Деваприя Рай билан яқин муносабатда бўлганлиги ва унинг руҳиятига таъсир ўтказгани учун актрисани судга беришини маълум қилган.

Қайнона ва келин муносабати

Маълум бўлишича, Айшвария алоҳида уйда яшашни ва турмуш ўртоғини унинг ота-онасидан узоқлаштиришни орзу қилгани ҳақидаги миш-мишлар оммавий ахборот воситалари томонидан тарқалмоқда. Унга кўра, актриса оиласининг жиловини ушлаб турадиган қайнонаси – Жая Баччан туфайли азият чеккан.

«Dhoom 2» картинасидаги очиқ саҳналар

Айшвариянинг маҳоратли акриса эканлиги ҳеч кимга сир эмас, аммо у оилали бўлганидан сўнг бир қанча мезонлар ўзгарган. Актрисанинг оила аъзолар «Dhoom 2» картинасида Ритик Рошан билан биргаликдаги очиқ саҳналарни танқид қилган, натижада уларни кесиб ташлашга тўғри келган.

Асал ойи

Жуфтликнинг Флоренциядаги асал ойи бир умрга ёдда қоларли бўлиши мумкин эди. Аммо режиссёр Мани Ратнаманинг «Guru» фильми реклама компанияси томонида тўлиқ рад этилиши уларни ҳам безовта қилган. Шунингдек, Рани Мукержи туфайли «Қурбон бўлган фаришта» фильмининг суратга олиш жадвалига ҳам ўзгартириш киритилган.

Абҳишек ва Айшвария энг яхши муносабатлар дўстликдан бошланишининг исботидир. «Севги ҳақида бир нечта сўз», «Қалбдаги муз» фильмларининг суратга олиниш жараёнидаги илиқ муносабатларига қарамай, улар дарҳол ишқ дардига мубтало бўлмади. Фақатгина «Guru» фильми бунга йўл очди.

Муҳаббат рамзи ўлароқ Абҳишек Айшварияга қимматбаҳо олмос узук совға қилмаган. Бунинг ўрнига у «Guru» фильмида фойдаланилган узукни ҳадя этган.

Оиланинг камтарона тўй ўтказишга уринишига қарамай, жуда кўп пул сарфланган. Маълумотларга кўра, 20 миллион рупия, яъни 266 минг доллар ишлатилган.

Шу кунгача оммавий ахборот воситалари Айшвария ҳамда Абҳишекни неча марта «ажратган» бўлса-да, улар ҳануз бахтли ҳаёт кечирмоқда.