Футбол бўйича Осиё Чемпионлар Лигаси гуруҳ босқичи 3-тури доирасида ОКМК 21 апрель, чоршанба куни «Шабоб ал-Аҳли» билан баҳс юритди.
Учрашувнинг асосий вақти ўртача темпда ўтди. Дастлаб 28-дақиқада Аҳмад ал-Ҳошими ҳисобни очди. Ўйин тугаши арафасида, аниқроғи 87 ва 90+1-дақиқаларда ОКМК 2 та тўп киритиб ғалабани илиб кетди. Голларга мос равишда Йован Жокич ҳамда Акром Комилов муаллифлик қилди. Шу тариқа Миржалол Қосимов жамоаси мусобақадаги илк ғалабасини қўлга киритди.
БАА клуби сафида тўп сурадиган Жалолиддин Машарипов мазкур баҳсда тўлиқ 90 дақиқа ҳаракат қилди.
Гуруҳдаги иккинчи ўйинда «Ал-Ҳилол» «Истиқлол»дан 3:1 ҳисобида устун келди.
Биринчи даврадан кейин А гуруҳи қуйидагича кўриниш олди:
ОЧЛ
Гуруҳ босқичи, 3-тур баҳси
21 апрель, чоршанба
ОКМК — «Шабоб ал-Аҳли» 2:1
Голлар: 0:1 — 28 ал-Ҳошими, 1:1 — 87 Жокич, 2:1 — 90+1 Комилов.ОКМК: 32.Суҳроб Султонов, 77.Дилшод Аҳмадалиев, 8.Бобур Йўлдошев, 7.Сардор Раҳмонов, 2.Акром Комилов, 23.Йован Жокич, 17.Санжар Турсунов (5.Дилшод Жўраев, 75), 4.Миржамол Қосимов (22.Санжар Шоаҳмедов, 75), 94.Элвин Фортес (10.Ҳусниддин Ғофуров, 46), 9.Зафар Полвонов (18.Александр Касян, 30), 28.Шоҳрух Гадоев (11.Мурод Тошматов, 79).
«Шабоб ал-Аҳли»: 55.Мажид Носир, 2.Салмин Ҳамис (21.Муҳаммад Жобир, 76), 3.Карлос Эдуардо, 4.Муҳаммад Марзуқ, 5.Волид Аббос, 7.Жалолиддин Машарипов, 9.Абдулазиз Ҳайкал, 15.Абдалла ан-Нақби, 34.Хариб Абдалла (78.Ейд Ҳамис, 82), 77.Аҳмед ал-Ҳошими (99.Игорь Жесус 82), 88.Мажид Ҳассан.
Огоҳлантириш: Жокич (27), Раҳмонов (55), Комилов (57).
«Ал-Ҳилол» — «Истиқлол» 3:1.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)