Ўзбекистон халқ артисти Мирза Азизов 16 апрель куни 58 ёшида вафот этди. Ижтимоий тармоқларда Мирза Азизовнинг рафиқаси Тожибар Азизова ҳам ҳозирда коронавирусдан даволанаётгани ҳақида хабарлар тарқалди.

«Қодирхон» сериалида Мирза Азизов билан бирга рол ижро этган актриса Зарнигор Ғаниева Тожибар Азизованинг соғлиғи ҳақидаги турли миш-мишларга ойдинлик киритди.

Актриса бу ҳақида Ёу Тубеъдаги YashinTV каналига берган интервьюсида гапириб берди.

Хонадонларига бордик. Мирза аканинг қизлари бор экан, жуда ҳам ўзларига ўхшарканлар. Менга қараб турдилар, очиғи хижолат бўлдим, чунки ‘Қодирхон’ сериалидаги ролимни кўриб, балки мени ёмон кўриб қолгандирлар, деб ўйладим. Кейин қўлимга қўлмунчоқ тақиб қўйдилар ва яхши кўрган одамимга мунчоқ бераман, дедилар. Дадам билан ‘Қодирхон’ сериалида жуда яхши рол ўйнагансиз, дедилар.

Тожибар опамнинг соғлиқлари жуда ҳам яхши. Оилада бир инсонда коронавирус аниқланса, ҳамма касалхонага ётқизилади. Тожибар опанинг соғлиғи борасида турли миш-мишлар чиқди. Соғлиқлари яхши. Тўғри, улар синди, чунки суянган тоғини йўқотди, уларга ҳозир жуда қийин, аммо одамлар айтганчалик коронавирусдан аҳволи оғирлашиб қолибди, деган гаплар ёлғон.

Аллоҳ раҳматига олсин, илоҳим. Оила аъзоларига ҳамдардлик билдириб қоламан.

Зарнигор Ғаниева, актриса, хонанда

Мавзуга доир: