16 апрель куни вафот этган Ўзбекистон халқ артисти Мирза Азизов COVID-19 га чалиниб, 25 кун давомида Республика махсус 2-сонли Зангиота шифохонасининг реанимация бўлимида даволанган.
«Дарё»нинг Соғлиқни сақлаш вазирлигидаги манбасининг маълум қилишича, актёр 2021 йилнинг 23 март куни соат 15:40 да Республика махсус 2-сонли Зангиота шифохонасига олиб борилган ва аҳволи оғирлиги туфайли реанимация бўлимига ётқизилган.
Мирза Азизовда COVID-19 инфекцияси ҳамда икки томонлама пневмония тасдиқланган. Унга юрак ишемик (юрак-томир тизимининг кенг тарқалган касаллиги бўлиб, миокард ишемияси ва коронар қон айланишининг бузилиши билан кечади – таҳр.) касаллигининг дастлабки ташхиси қўйилган. Актёрда гипертониянинг иккинчи босқичи, семизликнинг иккинчи даражаси, илк бор қандли диабетнинг иккинчи тури аниқланган.
23 мартдан то вафот этгунга қадар, яъни 16 апрелгача реанимация бўлимидаги шифокорлардан ташқари, кардиолог, пульмонолог, эндокринолог сингари тор соҳа мутахассислари ҳам жалб қилиниб, Мирза Азизов кучли назоратга олинган. Аммо беморда юқоридаги сурункали касалликлар борлиги учун шифокорларнинг стандарт бўйича даволаш муолажаларига қарамасдан, 16 апрель куни соат 12:15 да биологик ўлим ҳолати қайд этилган.
Мавзуга доир:
- Шавкат Мирзиёев Ўзбекистон халқ артисти Мирза Азизов вафоти муносабати билан ҳамдардлик билдирди
- «Менинг аҳволим сал оғирроқ, Тожибар опангизники анча яхши». Мирза Азизовнинг ковид-касалхонада даволанаётган пайтда юборган аудиоси тарқалди
- Instagram: Турмуш ўртоғи билан ярашган Камила Гимандинова, Муниса Ризаеванинг онаси унинг хейтерларига юзланди, Мирза Азизов ўқиган шеър қалбларни титратмоқда
Изоҳ (0)