«Норвич» муддатидан Англия Премьер Лигаси йўлланмасини қўлга киритди.
Нуфузи бўйича АПЛдан кейин иккинчи ўринда турувчи Чемпионшипнинг 42-тури доирасида «Уотфорд» ва «Суонси» жамоалари ғалаба қозона олмагач, «Норвич»нинг Премьер Лигага чиқиши кафолатланди. Эндиликда Даниел Фарке жамоаси ҳар қандай ҳолатда ҳам иккинчи ўриндан пастга тушиб кетмайди.
«Норвич» 41-турдан сўнг 90 очко билан 1-ўринда бормоқда. Битта ўйин кўпроқ ўтказган «Уотфорд»нинг ҳисобида 82 очко, «Суонси» ҳисобида эса 76 очко бор. Жамоалар мос равишда 2 ва 3-ўринларни эгаллаб турибди.
Қайд этиш жоиз, «Норвич» қуйи лигага тушиб кетганидан бир йил ўтиб, АПЛга қайтди.
Изоҳ (0)