«Бавария» бош мураббийи Ҳанс-Дитер Флик 2020/21 йилги мавсум якунида клубни тарк этади. Бу ҳақда унинг ўзи маълум қилди.
Мен клуб билан ўртадаги шартномани бекор қилмоқчиман. Бунинг сабаблари клуб ичида қолади.56 ёшли мутахассиснинг «Бавария» билан шартномаси 2023 йилгача мўлжалланган эди. Журналист Фабрицио Романонинг хабар беришича, Флик катта эҳтимол билан Йоахим Лёв кетгач, терма жамоани бошқарувини ўз қўлига олади.Бу ҳақда жамоага ўзим айтишим мен учун жуда муҳим эди, чунки бунгача миш-мишлар тарқалиб улгурганди.
Келажакда нима қилишимнинг ҳаммаси ҳам аниқ эмас. Терма жамоада ишлашни муҳокама қилмадик. Албатта, ҳар қандай мураббий Германия терма жамоасига мураббийлик қилишни кўриб чиқади, лекин аввал буни аниқлаб олишим керак. Сўнгги ҳафталар мен учун осон кечмади. Шунинг учун ҳам клубга ва жамоамга ҳамма нарсани айтиш жуда муҳим эди.
Ҳанс-Дитер Флик, мураббий
Аввалроқ Германия бош мураббийи Йоахим Лёв 2021 йилнинг ёзида бўлиб ўтадиган Евро—2020 мусобақасидан кейин ўз лавозимини тарк этиши маълум бўлганди.
Флик кетган тақдирда «Бавария»ни Юлиан Нагелсманн, Массимилиано Аллегри ёки бошқа номзодлар бошқариши мумкинлиги ҳақида хабарлар тарқалганди.
Флик «Бавария»да 2019 йилда иш бошлаганди, ўшанда у Нико Ковачнинг ўрнини эгаллаганди. Бу вақт ичида Флик клуб билан Германия чемпионати, мамлакат Кубоги ва Суперкубоги, шунингдек, Чемпионлар Лигаси, Европа Суперкубоги ҳамда клублар ўртасидаги Жаҳон чемпионатида зафар қучди.
Изоҳ (0)