«Реал» — «Барселона» учрашувини бошқариб борадиган ҳакамлар маълум бўлди
Испания Ла Лигаси 30-тури доирасида кечадиган «Реал» ва «Барселона» жамоалари ўртасидаги учрашувга ҳакамлар тайинланди.
«Эль-Класико»ни Матеу Лаос бошқариб боради. Видеотакрорларга эса Сесар Сото Градо жавоб беради.
Marca хабарига кўра, ҳакамлар қўмитаси аввалига учрашувга Рикардо Бенгоэчеа ёки Хосе Мунуэра Монтерани тайинламоқчи бўлган. Бироқ якунда тажрибали Лаос варианти танланган.
Мазкур жамоалар ўртасидаги биринчи даврадаги ўйинни Хуан Мунуэра бошқариб борганди. Унда мадридликлар 3:1 ҳисобидаги ғалабани қўлга киритганди.
Лаос сўнгги бор Ла Лига 2019/20 йилги мавсуми иккинчи даврасида ўтказилган класикода ишлаганди. «Сантьяго Бернабеу»да кечган учрашувда мезбонлар 2:0 ҳисобида ғалаба қозонганди.
«Реал» ва «Барселона» жамоалари ўртасидаги ўйин Тошкент вақти билан 10 апрелдан 11 апрелга ўтар кечаси 00:00 да бошланади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Spорт24’га обуна бўлинг!
