«Челси» ҳимоячиси Антонио Рюдигер лондонликларнинг якшанба кунги машғулотлари вақтида дарвозабон Кепа Аррисабалага билан тортишиб қолди.
Sky Sports нашрининг хабар қилишича, германиялик футболчи машғулотдаги ўйин вақтида Кепага нисбатан кескин ташланган. Натижада икки футболчи ўртасида тортишув юзага келган ва улар бир-бирини туртишгача борган. Натижада Рюдигер жамоа машғулотларидан четлатилган. Хабар берилишича, Антонио «Челси» дарвозабонидан узр сўрашга улгурган.
Таъкидланишича, АПЛ 30-тури доирасида «Вест Бромвич»га қарши ўйиндаги йирик мағлубиятдан (2:5) кейин «Челси» машғулоти кескин атмосферада ўтган.
«Кўклар» Чемпионлар Лигаси чорак финали доирасида «Порту»га қарши ўтадиган 7 апрель кунги ўйинда тайёргарлик кўрмоқда. Мазкур баҳс нейтрал майдон, Севильядаги «Рамон Санчес Писхуан»да бўлиб ўтади. 13 апрель кунги жавоб баҳси ҳам айнан шу ўйингоҳда ўтиши режалаштирилган.
Лондонликлар клуби Премьер Лига 30-туридан кейин 51 очко тўплаб 4-ўринда бормоқда.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)