Бугун,

  • USD 10940.05
  • RUB 182.26
  • EUR 11121.65

Наманганда ҳам аҳолини коронавирусга қарши эмлаш тадбирлари бошланди. Бу ҳақда «Дарё» мухбири Азизбек Абдувалиев хабар бермоқда.

Фото: Наманган вилоят соғлиқни сақлаш бошқармаси матбуот хизмати

Фото: Наманган вилоят соғлиқни сақлаш бошқармаси матбуот хизмати

Вилоят Санитария-эпидемиологик осойишталик ва жамоат саломатлиги бошқармаси иммунопрофилактика бўлими мудири Шерзод Латифжоновнинг маълум қилишича, Наманганга 48 000 доза Европанинг AstraZeneca вакцинаси ва 51 200 доза Ўзбекистон—Хитой ZF-UZ-VAC 2001 вакцинаси келтирилган.

Фото: Шоҳрух Кенжаев

Фото: Шоҳрух Кенжаев

Эмлашнинг биринчи босқичида вилоятдаги 106 минг нафар 65 ёшдан юқори аҳоли вакили ва 39 мингдан ортиқ тиббиёт ходимларини қамраб олиш режалаштирилган.

Фото: Шоҳрух Кенжаев

Фото: Шоҳрух Кенжаев

Наманган шаҳридаги вакцинация тадбирлари бошлаб берилган 14-оилавий поликлиника бош шифокори Нафиса Турсунқулованинг айтишича, бугуннинг ўзида 70 кишини эмлаш режалаштирилган. Ҳозирча келганларнинг аксарият қисми AstraZeneca вакцинасини маъқул кўрмоқда.

Фото: Шоҳрух Кенжаев

Фото: Шоҳрух Кенжаев

— Вакцинацияга ўзим ва турмуш ўртоғим билан келдик. Маҳалламизга бириктирилган ҳамшира бизга бу жараённинг ҳаммасини батафсил тушунтириб берди, шунинг учун чўчимай келавердик. Ҳозир вакцина олганимга ярим соат чамаси бўлди, оддий уколдек таассурот қолди, нохуш аломатларни сезмадик, — дейди Наманган шаҳридаги «Маданий маориф» маҳалласида истиқомат қилувчи 70 ёшли Нўмонжон Турсунов.

Фото: Наманган вилоят соғлиқни сақлаш бошқармаси матбуот хизмати

Фото: Наманган вилоят соғлиқни сақлаш бошқармаси матбуот хизмати

Охирги маълумотларга қараганда, Наманган вилоятида ҳозиргача 200 нафардан ортиқ одам коронавирусга қарши эмланди. Уларнинг энг ёши улуғи Наманган шаҳрида яшовчи 87 ёшни қаршилаган Аҳмаджон ота Исмоилов бўлди.

— Ўтган йили коронавирус инфекциясига чалиниб, 45 кун ётиб қолдим. Бу касаллик қанчалик хавфли эканлигини менга тушунтиришнинг ҳожати йўқ. Шунинг учун вакциналаш бошланаётганлигини эшитиб, ўз хоҳишим билан поликлиникага келдим, — дейди нуроний.

Фото: Шоҳрух Кенжаев

Фото: Шоҳрух Кенжаев

Маълумот учун, Наманган вилояти бўйича жами 238 та эмлаш пункти ташкил этилган. 293 та эмлаш бригадаси ва 54 та мобил гуруҳ фаолият олиб бормоқда.

Изоҳ
Асосий янгиликлар