АҚШнинг Шимолий Каролина штатида жойлашган Кенансвилл шаҳрида бошпанасиз ит дўкондан беш маротаба бинафшаранг яккашохни ўғирлашга уринди, деб хабар беради Esquire. Вазиятга ҳайвонларни назорат қилиш хизмати аралашган ва ит учун барчаси яхшилик билан якунланган.
Дўкондан амалга оширилган қўнғироқ бўйича етиб келган хизмат ходими итга ўзи истаган ўйинчоғини олиб берган. Унинг тахминича, итнинг олдинги эгаларида шу каби ўйинчоқ бўлган бўлиши мумкин.
Ҳайвонларни назорат қилиш васийлигидаги янги жонзот ҳақида пост қолдиргач, у интернетда вирус каби тез тарқалган. Итга Сису лақаби берилган. Постда ёзилишича, ит бир ёшда. Шунингдек, у дағал ва қўпол муомалага тоқат қилмайди. Сисуга одамларнинг айтганини қиладиган, бироқ бошқа итлар билан чиқишмайдиган дея таъриф берилган. Шу билан бирга, ит ўзининг яккашохини яхши кўриши ҳам таъкидланган.
https://www.facebook.com/DUPLINCOUNTYANIMALSERVICES/photos/pcb.3737106892992208/3737086999660864
Пост эълон қилинганининг эртаси куни Сису ўзига янги хўжайин топган.
Аввалроқ Висконсинда овчарка ўз эгасининг машинасини «миниб қочиб», галереяга бориб урилгани тўғрисида хабар берилганди.
Изоҳ (0)