Лига 1. ПСЖ 6 та гол урилган ўйинда «Лион»ни таслим этиб, 1-ўринга кўтарилди
Футбол бўйича Франция чемпионатининг 30-турида ПСЖ 21 март, якшанба куни «Лион» майдонида меҳмон бўлди.
Учрашувда парижликлар ишончли ғалабани қўлга киритди. Килиан Мбаппенинг дубли, Данилу Перейра ва Анхель ди Мариянинг голларидан кейин ҳисоб йирик кўриниш олди. Бунга майдон эгалари Ислом Слимани ва Максвелл Корненинг голлари билан жавоб қайтарди.
Мазкур ғалабадан кейин ПСЖ очколарини 63 тага етказиб олган ҳолда биринчи ўринга кўтарилди. «Лион» (60) эса 3-ўринда қолиб кетди.
Лига 1
30-тур баҳси
21 март, якшанба
«Лион» — ПСЖ 2:4
Голлар: 0:1 – 15 Мбаппе, 0:2 – 32 Данилу Перейра, 0:3 – 47 Ди Мария, 0:4 – 52 Мбаппе, 1:4 – 62 Слимани, 2:4 – 81 Корне.«Лион»: Антони Лопеш, Марсело, Де Шильо, Денаер (Диоманде, 78), Лукас Пакета, Тиаго Мендес (Бруно Гимараэс, 56), Какре, Корне, Токо-Экамби (Шерки, 74), Кадевере (Дюбуа, 56), Депай (Слимани, 56).
ПСЖ: Навас, Флоренци (Дагба, 86), Кимпембе, Маркиньос, Диалло, Данилу Перейра, Ди Мария, Верратти, Гуйе (Эррера, 86), Кин (Дракслер, 90), Мбаппе (Неймар, 70).
Огоҳлантиришлар: Кадевере (40), Диоманде (90).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
