Бугун,

  • USD 11095.31
  • RUB 173.84
  • EUR 10772.44

Фарғона вилоят судида «Сўх воқеалари»да айбланган 22 нафар фуқарога ҳукм ўқилди. Бу ҳақда суд ишида иштирок этган «Дарё» мухбири Азизжон Эрматов хабар берди.

Фото: «Дарё»

Фото: «Дарё»

2021 йил 18 март куни бўлиб ўтган суд иши вилоят судининг жиноят ишлари бўйича судьяси Тожиддин Ваҳобов раислигида халқ маслаҳатчилари Наргиза Мусинова ҳамда Замира Қосимовадан иборат таркибда кўриб чиқилган.

Фото: «Дарё»

Фото: «Дарё»

Қайд этилишича, жиноят иши доирасида дастлабки тергов органи томонидан ушбу шахсларга Жиноят кодексининг 219-моддаси 2-қисми (ҳокимият вакилига ёки фуқаровий бурчини бажараётган шахсга ўзининг хизмат вазифасини бажариш ёки фуқаровий бурчини бажаришдан воз кечишга, шунингдек, қонунга хилоф ҳаракатлар содир этишга мажбур қилиш) ва 244-моддаси (оммавий тартибсизликлар) билан айблов эълон қилинган. Жиноят иши доирасида 9 нафар шахсга нисбатан қамоққа олиш ва 13 нафар шахсга уй қамоғи эҳтиёт чораси қўлланилган.

Фото: «Дарё»

Фото: «Дарё»

Жиноят ишини судда кўриб чиқиш жараёни 2020 йил 9 ноябрь куни бошланиб, тўрт ойдан ортиқ давом этган ва 21 марта суд мажлиси ўтказилган. Жиноят ишини кўриб чиқиш давомида 22 нафар судланувчи, 36 нафар жабрланувчи ва 21 нафар гувоҳ сўроқ қилинган.

Фото: «Дарё»

Фото: «Дарё»

Судланувчилар охирги сўзларида қилган ишларидан пушаймонлигини, ўша куни воқеа жойида бўлганидан афсусдалигини айтиб, суд ҳайъатидан енгиллик беришни сўраган.

Фото: «Дарё»

Фото: «Дарё»

Прокурор суд раисидан эҳтиёт чораси сифатида қамоққа олинган 9 нафар судланувчига 10 йил 2 ой озодликдан маҳрум қилиш, уй қамоғида сақланаётган 13 нафар судланувчига 6 йил 6 ой озодликдан маҳрум қилиш жазоси тайинланишини, жазо муддати умумий колонияда ўталишини, барча судланувчилар суд залидан қамоққа олинишини сўраган.

Фото: «Дарё»

Фото: «Дарё»

Суд барча судланувчиларни Жиноят кодексининг 244-моддаси (оммавий тартибсизликлар)да назарда тутилган жиноятни содир этганликда айбдор деб топиб, уларга Жиноят кодексининг 57-моддаси (енгилроқ жазо тайинлаш)ни қўллаган.

Фарғона вилоят судининг ҳукмига кўра, судланувчиларнинг икки нафарига беш йил муддатга озодликдан маҳрум қилиш жазо тайинланиб, суд залидан қамоққа олинган. 20 нафари судланувчига эса 5, 4 ва 2 йил муддатларга озодликни чеклаш жазоси тайинланган. Уларга қўлланилган уй қамоғи эҳтиёт чораси бекор қилиниб, суд залидан озод этилган.

Фото: «Дарё»

Фото: «Дарё»

Жиноят оқибатида Фарғона вилоят ИИБ фойдасига етказилган 9 миллион 996 минг 341 сўм моддий зарар судланувчилардан солидар тартибда ундирилиши белгиланган.

Суд ҳайъати томонидан дастлабки тергов органлари йўл қўйган камчиликлар учун Фарғона вилоят прокуратурасига хусусий ажрим чиқариш орқали муносабат билдирилган.

Фото: «Дарё»

Фото: «Дарё»

Суд раиси Тожиддин Ваҳобовнинг маълум қилишича, Жиноят кодексининг 219-моддаси 2-қисми (ҳокимият вакилига ёки фуқаровий бурчини бажараётган шахсга ўзининг хизмат вазифасини бажариш ёки фуқаровий бурчини бажаришдан воз кечишга, шунингдек, қонунга хилоф ҳаракатлар содир этишга мажбур қилиш) билан судланувчиларга нисбатан эълон қилинган айблов дастлабки тергов органи томонидан нотўғри қўйилган, деган хулосага келинган ва ушбу модда айбловдан чиқариб ташланган.

Фото: «Дарё»

Фото: «Дарё»

Таъкидланишича, суд жазо тайинлаш масаласида судланувчиларнинг аксарияти, яъни 14 нафари 30 ёшга тўлмаган ёшлардан иборат эканлигини, улардан икки нафари жиноят содир этилган вақтда вояга етмаганлигини, барча айбланувчилар муқаддам судланмаганлигини, фақат ижобий томондан тавсифланганлигини, Сўх тумани ҳокимлиги, вилоят ва туман кенгашлари депутатлари, Ёшлар иттифоқи томонидан киритилган кафиллик хатлари ҳамда илтимосномаларни инобатга олган. Шунингдек, судланувчилар қилмишидан пушаймон эканлигини билдириб, кечирим сўраганлиги, жабрланувчиларнинг давоси йўқлиги, жиноятнинг келиб чиқиш сабаблари, шарт-шароитлари ҳисобга олинган ҳолда жазо тайинланган.

Фото: «Дарё»

Фото: «Дарё»

Мазкур жиноий иш бўйича чиқарилган ҳукмнинг мазмуни ҳақида судга раислик қилувчи томонидан батафсил маълумот берилиб, судланувчилар ва бошқа томонларга ушбу ҳукм устидан шикоят қилишнинг қонунда белгиланган тартиби ва муддати тушунтирилган.

Изоҳ
Asosiy yangiliklar
Маҳаллий
«Ҳудудгазтаъминот» аҳолини газдан оқилона фойдаланишга чақирди
Маҳаллий
«Кимдир жавоб бериши, кимдир қусиши керак» — фаоллар газ ва электр муаммоси сабабчиларига жазо сўрамоқда
Маҳаллий
Тошкент вилоятида эр-хотин ва уларнинг уч ойлик чақалоғи ис газидан вафот этди