Хитойда навбатдаги ҳамёнбоп электромобил сотувга чиқди, деб хабар беради Motor. Уч эшикли Pocco Meimei модели интерьери ва экстереридаги ўзига хос дизайн, қўшимча ускуналар тўплами, шунингдек, арзонлиги билан кўпчиликни ҳайрон қолдирди: базавий электрокар нархи 4600 АҚШ долларини ташкил этади — Cobalt’дан икки баробар арзон.

Фото: Autohome

Pocco Meimei ўлчамлари — 3025/1500/1515 миллиметр, ғилдираклар базаси — 1950 миллиметр. Конструкторлар салонга икки қатор ўриндиқни жойлаштиришга уринмаган ҳам: Меимеи икки ўриндиқли, улар орқасидаги жой эса юкхонага ажратилган.

Муҳандислик нуқтаи назаридан сити-кар жуда оддий: олд қисмига McPherson услубидаги «подвеска», орқасига торссимон тўсин ўрнатилган, батареялари эса ўқлар орасига жойлаштирилган, электромотор — олд томонида. Моделнинг ўзига хослиги — 14 дюймли улкан ғилдиракларга эгалигида.

Фото: Autohome

Жамланмасидан келиб чиқиб техник жиҳати бир-биридан фарқ қилади: базавий Pocco Meimei’га 27 от кучига электромотор ва сиғими 9,2 киловатт/соатга тенг литий-темир-фосфатли аккумулятор ўрнатилган. Бу каби автомобиль NEDC цикли бўйича бир марта қувватланиш орқали 120 километр йўл боса олади.

Суратларда эса 39 от кучига эга электродвигатель ва 14 киловатт/соатли батарея ўрнатилган анча топ-версия тасвирланган. Машинанинг динамик тавсифлари ҳақида маълумотлар йўқ, бироқ у бир марта қувватланиш орқали 170 километр йўл босишга қодир. Оддий розетка орқали тўлиқ қувватланиши учун 6-8 соат керак бўлади.

Фото: Autohome

Фото: Autohome

Pocco Meimei’нинг юқори жамланмалари интерьерининг чиройлилиги ажралиб туради ва у чарм ўрнини эгалловчи ёрқин материал билан қопланган. Завод опсиялари қаторидан ёруғлик диодли оптика, ойналарни электрон кўтариш, марказий қулф, кондиционер, 5 дюймли экран ўрнатилган рақамли қурилмалар панели, шиналардаги босимни ўлчовчи датчик, видеорегистратор, кенг форматли мултимедиятизим тачскрини билан ажралиб туради.

Фото: Autohome

Шунингдек, сити-кар тормозлар антиблокловчи ҳамда шатакка олишга қарши тизим билан жиҳозланган. Бироқ ҳозирча стандарт қурилмалар жамланмаси фақат иккита топ версияга ўрнатилган.

Фото: Autohome

Фото: Autohome

Фото: Autohome

Фото: Autohome

Жамланмаларидан келиб чиқиб Pocco Meimei нархи 4600-7200 доллар атрофида бўлади. Харидорлар тўртта жамланмадан бирини танлаши мумкин. Мазкур модель савдолари Хитойда бошланган бўлиб, унинг йиллик тиражи 50 минг нусха атрофида бўлиши кутилмоқда.