Таомномани янгилаймиз: макарондан 5 хил антиқа таом рецепти

Ҳар бир уй бекасининг таомномасида макарон учун алоҳида жой ажратилган. Макарондан таом тайёрлаш осон, аммо уларни ҳар доим қайнатиб ёки қовуриш меъдага тегиши мумкин. Агарда макаронларни ўзгача услубда пишириб, дастурхонга тортсангиз, оила аъзоларингиз бундай таомларни тайёрлаб беришингизни қайта ва қайта сўрашади.

Ширин запеканка

Керакли маҳсулотлар:

• қайнатилган вермишель — 300 грамм;
• тухум — 2 дона;
• шакар — 2 ош қошиқ;
• сариёғ — 30 грамм;
• мева бўлаклари (олма, нок, банан) ёки қуруқ мевалар (майиз, олхўри)

• вермишелни мевалар билан араштиринг;
• тухум ва шакарни кўпиртиринг ва вермишелли массага қўшинг;
• қолипни ёғлаб, массани қуйинг;
• печда 20 дақиқа давомида пиширинг.

Керакли маҳсулотлар:

• гўштли қийма — 500 грамм;
• сабзи — 1 дона;
• пиёз — 1 дона;
• макарон — 400 грамм;
• саримсоқ — 2 бўлак;
• тухум — 1 дона;
• қирғичдан чиқарилган пишлоқ — 100 грамм;
• зайтун ёғи — 100 грамм;
• петрушка — 1 боғ;
• туз, зираворлар.

• сабзини қирғичдан чиқаринг. Пиёз, петрушка ва саримсоқни майда тўғранг. Товада 2 ош қошиқ ёғни қиздириб, сабзи ва пиёзни қовуринг. Кейин унга саримсоқ, петрушкани қўшиб, яхшилаб аралаштиринг;
• яримтайёр массага қиймани қўшинг. Тухум, туз, зираворлар солиб, яхшилаб аралаштиринг;
• қайнаб турган тузли сувда макаронни пишириб олинг. Сувини тўкиб, човлида сузиб олинг;
• тўртбурчак шаклдаги қолипни ёғлаб, макароннинг бир қисмини, устидан қийманинг бир қисмини солинг. Устига қирғичдан чиқарилган пишлоқ сепинг. Яна макароннинг ярмини, кейин қиймани солинг, пишлоқ сепинг. Энг охирги қаватига қолган макаронни ва пишлоқни сепинг. Устини фольга билан ёпиб, 190 даражали печга 20 дақиқага қўйинг;
• Кейинроқ фольгани олиб, усти қизариши учун яна 10 дақиқага қолдиринг.

Керакли маҳсулотлар:

• қайнатилган мол гўшти — 200 грамм;
• помидор — 2 дона;
• булғор қалампири — 2 дона;
• макарон — 350 грамм;
• консерваланган маккажўхори — 1 банка;
• пишлоқ;
• зайтун ёғи;
• узум сиркаси;
• туз.

• хоҳлаган шаклдаги макаронни қайнатиб олинг;
• помидор ва булғор қалампирини бўлакларга бўлинг. Пишлоқни қирғичдан чиқариб, қайнатилган мол гўштини сомонча шаклида тўғранг;
• тўғралган масаллиқларга маккажўхори қўшиб, зайтун ёғи, узум сиркаси солинг. Туз сепиб, яхшилаб аралаштиринг.

Керакли маҳсулотлар:

• фунчоза — 150 грамм;
• маринадланган булғор қалампири — 100 грамм;
• сабзи —1 дона;
• бодринг — 1 дона;
• саримсоқ — 2-3 бўлак;
• пиёз — 1 дона;
• сирка — 2 чой қошиқ;
• соя.

• фунчозани идишга солиб, устидан қайнаб турган сув қуйинг. 5-7 дақиқага тургач, сувни тўкиб, совуқ сувга солиб олинг;
• сабзавотларни сомонча шаклида, пиёз билан саримсоқни майда қилиб тўғранг;
• пиёз, сабзи ва саримсоқни қовуринг. Унга фунчозани қўшиб, сирка, соя солинг;
•  Яхшилаб аралаштириб, дастурхонга тортинг.

Керакли маҳсулотлар:

• пишлоқли тайёр равиоли — 500 грамм;
• райҳонли томат пастаси — 500 мл;
• мол гўшти — 50 грамм;
• бешамелm соуси — 500 мл;
• чеддер ёки пармезан пишлоғи — 50 грамм;
• туз, мурч.

• печни 200 даража иссиқликда қиздиринг. Мол гўштини майда қилиб тўғранг;
• томатли соусга равиоли ва мол гўштини солиб аралаштиринг. Бошқа идишда қирғичдан чиқарилган пишлоқни бешамель соусига солиб, яхшилаб аралаштиринг. Устига сепиш учун пишлоқнинг озроғини олиб қўйинг;
• печ патнисига равиолали томат соусини солиб, устига бешамель соусини қуйинг. Худди шу ҳаракатни икки марта такрорлаб, энг охирида қолган пишлоқни сепинг;
• қизиган печда 30-40 дақиқа давомида пишириб олинг.