Ҳаётни янгитдан бошлаш учун ҳеч қачон кеч эмас. Бу барча соҳалар, шу жумладан, услубга ҳам тегишли. Бу иш эса аввало гардеробдан бошланади. Шунчаки жой эгаллаб турган кийимлардан воз кечиш гардеробни тезроқ тартибга келтиришга ёрдам беради.
Бир хил нарсаларни камайтириш лозим
Одатда шкафда ҳеч бўлмаганда бир хил оқ футболкалардан бир нечтасини топиш мумкин. Балки, аксар аёлларда кўйлак ёки юбка ҳам топилар. Лекин улар бир хиллиги туфайли ҳам фақат биттасидан кўпроқ фойдаланилади. Шунинг учун бир хил кийимлардан халос бўлиш керак.
Анча йиллар аввал сотиб олинган кийимлар
Чиндан ҳам шкафдан 5-10 йил аввал сотиб олинган кийимлар ҳам туради. Гарчи улар харид қилингандан буён кийилмай турган бўлса-да, ундан воз кечиш вақти келди. Эҳтимол, унинг шкафда туриши тўсатдан ушбу кийимни кийиш истагини пайдо қилиши учундир.
Уй учун эскирган кийимлар
Бехосдан тешилган шим, чўзилиб кетган футболкалар... Буларнинг ҳаммаси уйда кийиш учун сақланиб тураверади. Аммо уларнинг орасида зиёфат ёки расмий иш учун мўлжалланганлари ҳам бор. Шунинг учун уйда юмшоқ ва табиий матолардан тикилган қулай кийим кийиш тавсия этилади. Яроқсизларидан эса халос бўлиш керак.
Эскирган оқшом либослари
Гардеробнинг бир бурчагида бундан 20 йил аввал битирув оқшомида кийилган кўйлакни ҳам топиш мумкин. Қизиқ, ўша вақтда уни қандай қилиб кийганлик тўғрисида ўйга толиш ҳолати пайдо бўлса-да, у ҳанузгача шкафда жой эгаллаб турибди. Яхшиси, ундан бошқа бирор фойдалироқ нарса яратган маъқул.
Ўлчами мос бўлмаган кийимлар
Ўн йил аввалги жинси балки озғинроқ вақтда кийилган бўлиши мумкин. Лекин орадан ўтган йиллар мобайнида ҳар қандай қоматда ўзгариш юз беради. Демак, кичкина ёки энди мос бўлмаган ҳар қандай кийимни ҳам шкафдан чиқариш мумкин.
Кўнгилсизликни ёдга солувчи либослар
Гоҳида шундай вазиятлар ҳам рўй беради. Бирор зиёфатга кийилган кийимлар ўзида юз берган ёмон хотираларни сақлаб қолади. Унга ҳар сафар кўз тушганида ўз-ўзидан руҳиятга таъсир қилади. Шунинг учун қайта кийиш истаги бўлмаган бу каби либосларни бутунлай унутган яхши.
Қайта тўғрилаш имкони бўлмаган либослар
Шкафда уюлиб ётган кийимлар орасидан бир вақтлар тинимсиз кийилганлари ҳам топилади. Уларни дазмол куйдирган ёки бошқа кийимнинг ранги ўтганлиги учун ҳам кийиб бўлмайди. Лекин уларни асраб ўтиришдан ҳам бирор фойда чиқмаслиги аниқ. Чунки тўғрилашнинг ёки камчиликларни яширишнинг имкони йўқ.
Изоҳ (0)