Баҳор фасли кириб келиши билан илиқ об-ҳаво ҳамда қуёшли кунлар билан бирга, организмда витамин етишмовчилиги жараёни ҳам бошланади. Бунинг ажабланарли жойи йўқ, чунки қуёшсиз мавсумда истеъмол қилинган мева ва сабзавотлар туфайли организм бироз кучсизланади. Бунга эса янги мавсумнинг сархил ва витаминларга бой маҳсулотлари ёрдам бериши мумкин.
Фото: DELFI
Сарсабил
Гарчи йил давомида дўконлардан ушбу маҳсулотни топиш қийин бўлмаса-да, уни кўпроқ баҳорда истеъмол қилиш тавсия этилади. Сарсабил таркибида калория миқдори паст, аммо фойдали модда ва элементларга бой. Шунинг учун март ойидан бошлаб уни истеъмол қилиш ёз мавсуми учун ҳам яхши тайёргарлик ҳисобланади. сарсабилдан салат ва шўрваларга қўшиш, шунингдек, оддийгина қовуриб ёки қайнатиб ҳам тановул қилиш мумкин.
Исмалоқ
Исмалоқни барча соғлом турмуш тарафдорлари узоқ вақтдан бери истеъмол қилиб келади. Сабаби ушбу маҳсулот кўплаб витаминларга – А, E, К ва C, шунингдек, фолий кислотаси, темир ва бошқа микроэлементларга бой. Исмалоқ баҳор мавсумининг энг биринчи хабарчиларидан бўлиб, унинг янгиларини март ойлариданоқ топиш мумкин. Уни ҳар қандай салат, таомлар ва иссиқ егуликларга қўшиш мумкин.
Фото: Harper’s Bazaar
Редиска
Дўкон расталаридаги янги редиска таркибида C, PP витамин ва минераллар, шу жумладан, темир, натрий, фосфор, калий ва кальций кўп бўлганлиги сабабли организмда витамин етишмаслиги билан яхши курашади. Шу билан бирга, редисканинг калория миқдори жуда кам бўлиб, маҳсулотнинг 100 граммида атиги 20 калория мавжуд.
Помидор
Албатта, помидор фақатгина баҳорий маҳсулот эмас. Уни ҳар қайси фаслда ҳам топиш мумкин. Қишнинг совуқ кунларидан кейин янги помидорлар истеъмол қилиш ҳам мазали, ҳам фойдалидир. Унинг таркиби витаминларга бой бўлиб, салат, сабзавотли егуликлар билан ёки ўзини тановул қилиш тавсия этилади.
Кўк пиёз
Ушбу сабзавот одатдаги пиёзга қараганда ўзгача таъмга эга. Шунинг учун ҳам кўпчилик уни севиб истеъмол қилади. Кўк пиёзни ҳар қандай таом ва салат билан биргаликда истеъмол қилиш мумкин. У калий, фосфор ва B1, B2 ва C витаминларига бой.
