Жиддий касалликларнинг олдини олиш учун организмда юз берадиган ўзгаришларга бефарқ бўлмаслик, турли белги ва аломатлар кузатиладиган бўлса, мутахассисга учрашни ортга суртмаслик керак.
Юрак хуружи
Кўз атрофида пайдо бўладиган сариқ бўртма ва шишлар юрак хуружи ва юрак қон-томир касалликларига олиб келиши мумкин бўлган холестерин миқдори кўпайганидан дарак бериши мумкин. Бефарқ бўлманг ва кардиолог қабулига ёзилинг.
Инсульт
Юзда яққол кўзга ташланадиган ассиметрия, унинг бир қисми ва мимикада ўзгариш кузатилиши зудлик билан шифокорга мурожаат қилиш учун жиддий сабаб бўла олади. Мазкур белги асаб тизими ҳатто инфарктдан дарак бераётган бўлиши ҳам мумкин.
Эндокрин тизими касалликлари
Юзда тўсатдан тукларнинг кўпайиши аёллардаги гормонал баланс бузилганидан, аксарият ҳолларда тухумдонлар поликистози синдромидан далолат қилиши мумкин.
Қандли диабет
Юзда тўсатдан пайдо бўлган, майда тўр шаклидаги ажинлар ушбу жиддий касалликка хос белги бўлиши мумкин. Қолаверса, ажинларнинг кутилмаганда кўпайиб кетиши қалқонсимон безнинг етарлича гормон ишлаб чиқарилмаслиги, яъни гипотиреоздан ҳам дарак бериши эҳтимоли йўқ эмас.
Анемия
Юз рангининг одатдагидан оқариб кетиши гемоглабин миқдорини текширтириб кўриш кераклигини билдиради. Ушбу симптомнинг чарчоқ, ҳолсизлик билан кузатилиши сизда анемия эканини билдиради.
Апноэ
Апноэ киши уйқу вақтида 10 сония ва ундан ортиқ вақт нафас олмай қўйиши билан намоён бўладиган жиддий касаллик. Унда кучли хуррак отиш, тонгда чарчоқни ҳис қилиш ва бош оғриғидан ташқари, бўйин ҳамда ияклар ўлчамининг ўзгариши кузатилиши мумкин.
Аутоиммун касалликлар
Юзда қизил тошмаларнинг пайдо бўлиши аутоиммун касалликлар билан боғлиқ бўлиши мумкин. Тошмаларнинг кўп ва қичиш билан намоён бўлиши, бу целиакия (глютинни кўтара олмаслик) касаллиги билан алоқадор бўлиши эҳтимоли ҳам йўқ эмас. Яноқларда пайдо бўладиган капалак шаклини эсга соладиган тошмалар эса волчанка ривожланаётганидан огоҳлантиради.
Изоҳ (0)