Bahor fasli kirib kelishi bilan iliq ob-havo hamda quyoshli kunlar bilan birga, organizmda vitamin yetishmovchiligi jarayoni ham boshlanadi. Buning ajablanarli joyi yo‘q, chunki quyoshsiz mavsumda iste’mol qilingan meva va sabzavotlar tufayli organizm biroz kuchsizlanadi. Bunga esa yangi mavsumning sarxil va vitaminlarga boy mahsulotlari yordam berishi mumkin.
Sarsabil
Garchi yil davomida do‘konlardan ushbu mahsulotni topish qiyin bo‘lmasa-da, uni ko‘proq bahorda iste’mol qilish tavsiya etiladi. Sarsabil tarkibida kaloriya miqdori past, ammo foydali modda va elementlarga boy. Shuning uchun mart oyidan boshlab uni iste’mol qilish yoz mavsumi uchun ham yaxshi tayyorgarlik hisoblanadi. sarsabildan salat va sho‘rvalarga qo‘shish, shuningdek, oddiygina qovurib yoki qaynatib ham tanovul qilish mumkin.
Ismaloq
Ismaloqni barcha sog‘lom turmush tarafdorlari uzoq vaqtdan beri iste’mol qilib keladi. Sababi ushbu mahsulot ko‘plab vitaminlarga – A, E, K va C, shuningdek, foliy kislotasi, temir va boshqa mikroelementlarga boy. Ismaloq bahor mavsumining eng birinchi xabarchilaridan bo‘lib, uning yangilarini mart oylaridanoq topish mumkin. Uni har qanday salat, taomlar va issiq yeguliklarga qo‘shish mumkin.
Rediska
Do‘kon rastalaridagi yangi rediska tarkibida C, PP vitamin va minerallar, shu jumladan, temir, natriy, fosfor, kaliy va kalsiy ko‘p bo‘lganligi sababli organizmda vitamin yetishmasligi bilan yaxshi kurashadi. Shu bilan birga, rediskaning kaloriya miqdori juda kam bo‘lib, mahsulotning 100 grammida atigi 20 kaloriya mavjud.
Pomidor
Albatta, pomidor faqatgina bahoriy mahsulot emas. Uni har qaysi faslda ham topish mumkin. Qishning sovuq kunlaridan keyin yangi pomidorlar iste’mol qilish ham mazali, ham foydalidir. Uning tarkibi vitaminlarga boy bo‘lib, salat, sabzavotli yeguliklar bilan yoki o‘zini tanovul qilish tavsiya etiladi.
Ko‘kpiyoz
Ushbu sabzavot odatdagi piyozga qaraganda o‘zgacha ta’mga ega. Shuning uchun ham ko‘pchilik uni sevib iste’mol qiladi. Ko‘kpiyozni har qanday taom va salat bilan birgalikda iste’mol qilish mumkin. U kaliy, fosfor va B1, B2 va C vitaminlariga boy.
Mavzuga doir:
Izoh (0)