Toyota компанияси Фудзияма тоғи яқинида ўзининг «ақлли» шаҳрини қуришни бошлади, деб хабар беради Motor. Woven City ёки «Тўқима шаҳар» 70,8 гектар майдонни эгаллайди ва икки минг киши учун бошпанага айланади.

Фото: Woven City

Toyota томонидан қуриладиган мазкур шаҳар маиший юмушларда ёрдам берадиган турли «ақлли» тизимлар учун синов полигонига айланади: асосий вазифаси датчиклар ёрдамида инсон соғлиғини кузатиш орқали унинг эҳтиёжларини қондирувчи сунъий интеллектга эга робототехникалар ва уйлар. Асосий қурилиш материали — ёғоч, биноларнинг том қисми эса қуёш батареяларига эга «черепица» билан ёпилади.

Фото: Woven City

Фото: Woven City

Япон маркасининг Хигаси-Фудзи номли собиқ заводи ҳудудида қуриладиган шаҳардан пиёдалар ва велосипед ҳайдовчилари учун кўчалар автомобиль йўллари билан «чалкашиб» кетади. Шаҳар бўйлаб водородда ҳаракатланадиган e-Palette учувчисиз бошқариладиган машиналар ҳаракатланади. Юклар ерости туннеллари бўйлаб ташилади.

Фото: Woven City

Аҳолининг дам олиши учун бир нечта боғ ва катта марказий майдон бунёд этилиб, у ерларда турли кўнгилочар тадбирлар ўтказилади. Шаҳар дизайни устида даниялик архитектор Бьярке Ингельс ишлаган, у бунга қадар Нью-Йоркдаги Жаҳон савдо маркази 2 ва Калифорния ҳамда Лондондаги Google штаб-квартираларини яратишда лойиҳалари билан танилган.

Фото: Woven City

Фото: Woven City

Фото: Woven City

Фото: Woven City

Шаҳарга кўчиб ўтадиган дастлабки гуруҳ таркибидан 360 нафар дастурчи, кексалар ва кам фарзандли оилалар ўрин олади. Улар шаҳарга яқин беш йил ичида кўчиб ўтиши кутилмоқда. Кейинчалик шаҳарда Toyota ходимлари ва уларнинг оилалари, шунингдек, сотувчилар ва муҳандислар истиқомат қила бошлайди.

Аввалроқ Германияда автомобиллар киритилмайдиган шаҳар қурилиши тўғрисида хабар берилганди.