Бишкек шаҳрига амалий ташриф билан келган Ўзбекистон т ашқи ишлар вазири Абдулазиз Комилов 2021 йил 27 февраль куни Қирғизистон президенти Садир Жапаров томонидан қабул қилинди, дея хабар бермоқда вазирлик матбуот хизмати.

Фото: Ташқи ишлар вазирлиги

Вазир Ўзбекистон Президенти Шавкат Мирзиёевнинг Қирғизистон президенти Садир Жапаровга йўллаган мактубини топширди.

Бўлиб ўтган суҳбат чоғида томонлар сиёсий, савдо-иқтисодий, маданий-гуманитар ва бошқа соҳалардаги икки томонлама муносабатларнинг ривожи ҳақида фикр алмашди.

Марказий Осиёда сўнгги йилларда шаклланган хавфсизлик, барқарорлик ва яхши қўшничилик муҳитини янада мустаҳкамлаш масалалари кўриб чиқилди.

Қайд этилишича, бугун денгиз портларига ва янги ташқи бозорларга энг қисқа йўл очадиган транспорт йўлаклари тизимини шакллантириш учун кенг имкониятлар яратилмоқда, бу ўз навбатида, минтақалараро савдо-сотиқнинг жадаллашуви, транзит юк ташувларини орттириш, хом-ашё, асбоб-ускуналар ва тайёр маҳсулотларни ташиш нархининг пасайишига хизмат қилиши таъкидланди.

Учрашувда томонларни қизиқтирган бошқа масалалар ҳам муҳокама қилинди.

Бундан аввал Абдулазиз Комилов Ашраф ҒаниЭмомали РаҳмонҚосим-Жўмарт Тўқаев ҳамда Гурбангули Бердимуҳамедов билан учрашгани ҳақида хабар берилганди.