Севимли актрисаларининг турмушга чиқиши мухлислар учун ҳаяжонли мавзулардан бири. Тўй қандай ўтганини кўпчилик мухлислар кўради, бироқ юлдузлар тўйдан кейин қандай ҳаёт кечириши ҳаммага ҳам маълум эмас. Қуйида ҳинд актрисаларининг тўйдан кейинги ҳаёти қанчалик ўзгариши ҳақида маълумотлар келтирилади.
Видя Балан ва Сиддхарт Рой Капур
Икки марта оила қуриб улгурган, UTV Motion Pictures раҳбари, продюсер Сиддхартга 2012 йилда турмушга чиққан актриса уй ишлари билан ўралашиб қолмаган, аксинча фаол суратга тушишда давом этган. Одамлар фарзандли бўлмагани ҳақида гапиришдан тўхтамаслигига қарамай, жуфтлик бахтли оилалардан бири.
Шилпа Шетти ва Раж Кундра
Шилпага ошиқ бўлганида Раж оилали, рафиқаси эса фарзанд кутаётган бўлган. Ражнинг биринчи рафиқаси Кавита оиласини бузгани учун Шилпанинг мавқейини туширишга уринган. Аммо бу жуфтликни турмуш қуриш фикридан қайтара олмаган. 2009 йилда оила қурган юлдузлар 2012 йилда фарзандли бўлган. 2019 йилда эса суррогат она ёрдамида иккинчи марта ота-она бўлган.
Сонам Капур ва Ананд Ахужда
Бизнесмен ва актриса 2018 йилда турмуш қурган. Сонам оила қурганидан кейин ҳам шоу-бизнесни тарк этмаган. Суратга тушишда давом этадиган актриса ижросидаги фильмлар муваффақиятсиз чиқишидан чўчимайди. Ҳали фарзандли бўлиб улгурмаганига қарамай, ҳаёти ва муносабатларидан мамнун.
Анушка Шарма ва Вират Кохли
Актриса турмуш ўртоқ сифатида машҳур крикет спортчисини танлаган. 2017 йилда турмуш қурган жуфтлик 2021 йилда фарзандли бўлган. Машҳурлар ҳамиша биргаликдаги суратларини жойлаб боради. Мухлислар уларнинг бахтига ҳавас қилади ва Instagram’даги суратларини кузатиб боришни яхши кўради.
Прити Зинта ва Жин Гуденаф
Ҳиндистондаги фаолияти давомида бир неча марта омадсиз севгидан куйган актриса 2016 йил америкалик Жин Гуденафга турмушга чиққан. Турли миллат ва маданият вакили эканига қарамай, Прити ва Жин бир-бирини тушунишга ҳаракат қилади.
Приянка Чопра ва Ник Жонас
2018 йилда турмуш қурган жуфтлик мунтазам равишда бахтли лаҳзалари муҳрланган суратлар билан бўлишиб келади. Хейтерлар актрисанинг турмуш ўртоғидан кўра тўла экани, фарзанд дунёга келтирмагани ва шунга ўхшаш маълумотлар билан тирноқ ичидан кир қидиришига қарамасдан, Приянка ва Ник турмуш ўртоқ борасида қилган танловидан пушаймон бўлганича йўқ.
Изоҳ (0)