Австралиянинг илон тутиш билан шуғулланувчи Snake Catchers Brisbane & Gold Coast компанияси томонидан жойланган сурат ижтимоий тармоқ фойдаланувчиларининг бош қотиришига сабаб бўлди. Унда кўринмас илон суратини топиш керак бўлган.
Оддий уй ҳовлисидаги боғ ҳамда бассейннинг бир қисмини кўриш мумкин бўлган суратда, шунингдек, илон ҳам акс этган бўлиб, уни пайқаш осон эмас.
Фойдаланувчилардан баъзилари илонни гул барглари тагига яширинган деган бўлса, бошқалар марказга яқин жойдаги кўкимтир аксни илоннинг бошига ўхшатган.
Энг эътиборли кузатувчилар суратдан жониворни топишга муваффақ бўлган. Саҳифа обуначиларидан бири илонни топиш учун ҳаддан ортиқ кўп вақт сарфлаганини маълум қилган.
Изоҳ (0)