Техасда волонтёрлар аномал совуқдан азият чеккан 4 мингдан ортиқ денгиз тошбақасини сақлаб қолди

Техасда волонтёрлар ҳудуддаги аномал совуққа тайёр бўлмаган тошбақаларни қутқариб қолди. Бу ҳақда Reuters хабар берди, деб ёзади Esquire.

Ҳаво ҳароратининг кескин совиши сабаб ҳаракатланиш имкониятини йўқотган тошбақалар тана ҳароратини тиклаш мақсадида Саут-Падре-Айленддан шаҳарнинг конференс марказига кўчириб ўтказилган.

Тошбақаларга ёрдам бериш билан Sea Turtle нотижорий жамғармаси шуғулланган. Ижрочи раҳбар Венди Найтнинг айтишича, SpaceX’нинг маҳаллий бўлими Sea Turtle’ни электрогенератор билан таъминлаган. Илон Маскнинг компанияси бир неча йилдан бери хайрия ташкилоти билан ҳамкорлик қилади, дейилади хабарда.

My mom is retired, & she spends her winters volunteering at a sea turtle rescue center in south Texas. The cold snap is stunning the local turtles & they’re doing a lot of rescues. She sent me this photo today of the back of her Subaru. It’s *literally* turtles all the way down. pic.twitter.com/xaDRNjLDoQ

— Lara (@lara__mac) February 15, 2021

Twitter’даги Лара_Ҳанд номли аккаунт эгаси нафақадаги онасининг тошбақаларни қутқаришга ҳисса қўшаётгани ҳақида ёзиб қолдирган ва тошбақалар машина юкхонасида олиб кетилаётгани акс этган суратлар билан бўлишган.