Бугун,

  • USD 11095.31
  • RUB 173.84
  • EUR 10772.44

Деярли барчанинг хонадони ва ишхонасида бор эканига қарамай, кўпчилик микротўлқинли печдан фақат таом иситишда фойдаланади. Аммо ушбу техника сизга кўп маротаба ёрдамчи бўлиши мумкин.

Фото: Freepik

Фото: Freepik

Иситиш қоидалари:

  • Макарон, гречка сингари маҳсулотлар иситилганда қуруқ бўлиб қолмаслиги учун тарелкага оддий салфетка солинг.
  • Пицца иситадиган бўлсангиз, тарелка ёнига бир стакан сув қўйганингиз яхши.
  • Бутербродлар яхши исиши учун тарелка ўртасига эмас, четига қўйиш керак.
Зираворлар

Шивит, петрушка, райҳон ва бошқа кўкатлар сўлиб қолган бўлса, уларни қоғозга солиб, микротўлқинли печда бир неча дақиқага қўйинг. Шундан кейин майдалаб, зираворлар турадиган идишга солиб қўйсангиз бўлади. Агар тайёр зираворлар узоқ сақланганидан кейин ўз ифорини йўқотадиган бўлса, уларни микротўлқинли печь ичига 15—20 сонияга қўйинг. Кейин бемалол тайёр таомларга қўшишингиз мумкин бўлади.

Нон ва пишириқлар

Нон ёки қотиб қолган пишириқни нам сочиққа ўраб 10 сонияга микротўлқинли печь ичига қўйинг.

Капучино

Мазали капучинони қиммат қаҳва машинасисиз ҳам тайёрлаш мумкин. Бунинг учун 2 фоизли сутни банка ичига солинг, қопқоғини ёпиб, яхшилаб чайқатинг. Қопқоқни очмасдан 30 сонияга микротўлқинли печга қўйинг, кейин эса қопқоқни очиб, яна 30 сонияга қўйинг. Кўпикли сутни тайёр қаҳвага қўшиб истеъмол қилишингиз мумкин.

Пиёз

Артиш ва тўғраш давомида кўз ёшланмаслиги учун пиёзни бўлакларга бўлиб, 30 сонияга микротўлқинли печга қўйинг.

Саримсоқ

Артиш осон бўлиши учун саримсоқ пиёзни 15 сонияга микротўлқинли печга қўйиш тавсия қилинади.

Помидор

Пўстини артиш осон бўлиши учун помидорни 30 сония микротўлқинли печга қўйинг.

Қовоқ ва қовоқча

Ушбу маҳсулотларни артиш қийин бўлмаслиги учун микротўлқинли печь яхши ёрдам бера олади.

Грейпфрут

Агар грейпфрутни тез ва бир зумда артишингизга ҳожат бўладиган бўлса, 30 сонияга микротўлқинли печга қўйинг. Ишингиз осон бўлади.

Лавлаги

Ювилган ва пўсти артилган лавлагини пакет ичига солиб, микротўлқинли печга 10 дақиқага қўйинг. Лавлаги тайёр, узоқ вақт қайнашини кутишингиз шарт эмас.

Ёнғоқ

Исталган ёнғоқ ва пистани микротўлқинли печда тайёрлаш мумкин. Тарелкага солинган писта устидан бир оз ёғ солинг, микротўлқинли печга қўйинг. 10—15 сония турганидан кейин қайта 3—5 марта печга қўйинг.

Асал

Қотиб қолган асални эритиш учун ҳам банкани 30—40 сонияга микротўлқинли печга қўйиш тавсия қилинади.

Изоҳ
Асосий янгиликлар
Маҳаллий
Ўзбекистонда Уруғчилик ҳамда пистачилик илмий марказлари ташкил этилади
Дунё
Қирғизистонда 9 кишида “Цефтриаксон”га аллергик реакция кузатилди, бир киши вафот этди
Шоу-бизнес
Йиллар давомида таниб бўлмас даражада ўзгарган Голливуд актёрлари (фото)