Ўзбекистонда 2020 йилда 10 мингдан ортиқ ортиқ фирибгарлик жиноятлари қайд этилиб, 17 мингдан ортиқ фуқаролар жиноят жабрланувчисига айланди.
ИИВ Тергов департаменти маълумотларига кўра, уларнинг 10 мингдан ортиғини эркаклар қолган қисми эса аёлларни ташкил этади.
Ер, уй олди-сотдиси (13.9 фоиз), чет элга ишга жўнатиш (13,1 фоиз), ўқишга ёки ишга киритиш (9 фоиз) каби ваъдалар билан содир этилаётган фирибгарликлар энг кўп учрайдиган фирибгарлик бўлиб қолмоқда.
«Фуқароларимизнинг ишонувчанлиги ва осон бойиб кетишга бўлган иштиёқи фирибгарларнинг тузоғига тушишларининг асосий сабабларидан бири ҳисобланади», — дейилади департамент хабарида.
Аввалроқ Ўзбекистонда 2020 йилда салкам 28 минг киши судлангани, уларнинг 7110 нафари озодликдан маҳрум этилгани ҳақида хабар берилган эди. Мамлакатда сўнгги икки йил ичида коррупцион жиноятлар оқибатида жами 371 миллиард сўм бюджет маблағлари талон-торож қилингани аниқланган.
Изоҳ (0)