Самарқандда COVID-19 беморларини даволаш учун мослаштирилган сўнгги марказ ёпилди
Самарқандда коронавирус билан касалланган охирги бемор 5 февраль куни соғайиб чиққани сабабли мазкур касалликка чалинган беморларни даволаш учун мослаштирилган сўнгги марказ ўз ишини якунлади. Бу ҳақда вилоят Соғлиқни сақлаш бошқармаси матбуот хизмати хабар берди.
«Пандемия бошланганидан ҳозирга қадар илк бор вилоятимизда коронавирусга чалинганлар бутунлай соғайди. Вилоят соғлиқни сақлаш бошқармаси мазкур жараёнларда фидойилик кўрсатган барча тиббиёт ходимларига ўз миннатдорчилигини билдиради», — дейилади хабарда.
Шунингдек, агар коронавирусга чалиниш бўйича янги ҳолатлари аниқланса, Самарқандда вилоят юқумли касалликлар шифохонасида алоҳида бўлиб тайёрлаб қўйилгани билдирилган.
2020 йилнинг ноябрида Самарқанднинг Каттақўрғон шаҳри ва Ургут туманидаги COVID марказлари ёпилгани ҳақида хабар берилган эди. Ўзбекистонда коронавирус бўйича саволларга жавоб берадиган Call-марказ фаолияти ҳам вақтинчалик тўхтатилган.
Мавзуга доир: Ўзбекистонда яна учта тиббиёт муассасаси COVID-19 беморларини қабул қилишни тўхтатиб, одатий иш фаолиятига қайтди
