Бугун,

  • USD 11095.31
  • RUB 173.84
  • EUR 10772.44

Самарқандда жойлашган университет ректорига телефон қилиб, танишига чет тили фани бўйича ўтказилаётган имтиҳондан қониқарли баҳо қўйишни талаб қилган шахс ушланди, дея хабар бермоқда Коррупцияга қарши курашиш агентлиги.

Фото: «Дарё»

Фото: «Дарё»

Маълум қилинишича, 2021 йилнинг 21 январь куни Самарқанд вилоятида истиқомат қилувчи фуқаро М.С. ушбу ҳудуддаги олий таълим муассасаси раҳбариятига қўнғироқ қилади.

Ўзини Коррупцияга қарши курашиш агентлиги ходими сифатида таништириб, мазкур университет талабаси, таниши Д.Й. ҳамда гуруҳнинг бошқа 17 нафар талабасига чет тили фани бўйича ўтказилаётган давлат имтиҳонидан қониқарли баҳо қўйишни талаб қилади.

Фуқаронинг ушбу ноқонуний талаби олий таълим муассасаси томонидан қондирилмагач фуқаро М.С. такроран қўнғироқ қилади ва таҳдид қилади.

Мазкур ҳолат юзасидан 2021 йилнинг 29 январь куни Коррупцияга қарши курашиш агентлигига мурожаат келиб тушди.

Шу муносабат билан Коррупцияга қарши курашиш агентлиги ҳамда тегишли идоралар томонидан ўтказилган терговга қадар текширув давомида фуқаро М.С.нинг ноқонуний хатти-ҳаракатлари тўғрисида олинган дастлабки маълумотлар ўз тасдиғини топди.

Ҳолат юзасидан 2021 йилнинг 3 февраль куни Жиноят ишлари бўйича Самарқанд шаҳар судида мазкур иш кўриб чиқилди.

Жиноят ишлари бўйича Самарқанд шаҳар судининг қарори билан фуқаролар М.С. ва Д.Й. Маъмурий жавобгарлик тўғрисидаги кодекснинг 197-5-моддаси 1-қисми (таълим муассасаси педагог ходимининг касбий фаолиятига қонунга хилоф равишда аралашиш ёки ўз хизмат вазифаларини бажаришига тўсқинлик қилиш) билан айбли деб топилиб, тегишли жазо тайинланди.

Аввалроқ Қашқадарёда Жанубий Кореяга жўнатишини айтиб фуқаролардан 9500 доллар олган шахс, Тошкентда 9 ёшли қизнинг телефонини тортиб олиб, уни сотиб юборган жуфтлик ҳамда Бухорода корхона раҳбарларини қўрқитиб, 30 минг доллар талаб қилган ишчилар ушлангани ҳақида хабар берилганди.

Изоҳ
Асосий янгиликлар
Молия
Ўзбекистондаги энг фаол банклар рейтинги янгиланди. Нималар ўзгарди?
Маҳаллий
Давлетмурат Тажимуратов 16 йилга қамалди, журналист Лолагул Қаллиханова суд залидан озод қилинди 
Спорт
Фигурали учиш бўйича Ўзбекистоннинг 10 карра чемпиони Татьяна Малининанинг 18 ёшли ўғли АҚШ чемпионига айланди