Жонни Депп, Том Круз, Бритни Спирс: ажримдан кейин бахтини топа олмаган юлдузлар (фото)

Ажралиш – бу номаълум томонга қадам. Кимдир янги муносабатлар томон кетади, кимдир эски ришталардан шунчаки қочади. Аммо ҳамма янги ҳаётдан кўп нарсаларни кутади. Афсуски, барчаси ҳам орзу қилгандек бўлавермайди.

Жонни Депп ва Ванесса Паради

2012 йилда актёр ёш актриса Амбер Хердга кўнгил қўйгани маълум бўлган. Актриса неча йиллик жуфтлик Ванесса Паради ва Жонни Деппнинг ажрашишига сабаб бўлган. Аслида жуфтлик расмий равишда никоҳдан ўтмаган эди, аммо ҳеч ким уларнинг бир кун келиб айрилиб кетишига ишонмасди. Журналларда тез-тез Ванесса ва Жоннининг гўзал севги ҳикояларига бағишланган мақолалар чоп этилар ва икки фарзанднинг онаси ҳақида сўз борар эди.

Жонни Депп ва Эмбер Херд

Ванесса билан 14 йиллик эркин ҳаётдан сўнг Жонни Эмберга расман уйланди. Бу барчани ҳайратга солганди. 15 ойлик никоҳдан кейин жуфтлик ажрашишга қарор қилган ва судга ариза берган. Ажримга эса келишиб бўлмайдиган қарама-қаршиликлар сабаб қилиб кўрсатилган. Кейинчалик Эмбер актёрни зўравонликда айблаб, ундан бир неча минг доллар товон пули ҳам талаб қилган.

Райан Филипп ва Риз Уизерспун

Ташқи кўриниши туфайли Райан моделлик ва кинематографияга кириб борган ва «Мен ўтган ёзда нима қилганингизни биламан», «Шафқатсиз ўйинлар» каби фильмлардаги роли билан Голливуднинг умидли актёрларидан бирига айланган. Аммо актёрнинг кейинги фаолиятини фақат муваффақиятсизликдан иборат деб аташ ҳам мумкин. Карьерасидаги омадсизликлар унинг шахсий ҳаётига ҳам салбий таъсир ўтказмай қолмади. Турмуш ўртоғининг қайсарликларидан чарчаган Риз Уизерспун 9 йиллик турмушидан сўнг Филипп билан ажрашишга қарор қилган. Худди шу сабабларга кўра, Аманда Сейфрид билан уч ойлик муносабати ҳам якун топган.

Бритни Спирс ва Кевин Федерлайн

2004 йилда Бритни Спирс раққос Кевин Федерлайн билан учрашишни бошлаган ва бир неча ойдан сўнг улар тўй қилишга қарор қилган. Бритнини бўлажак турмуш ўртоғи биринчи хотинини ҳомиладорликнинг сўнгги ойида ташлаб кетгани ҳам хавотирга солмаган. Кевин эса супер юлдузнинг турмуш ўртоғи бўлишидан мамнун эди. Шунингдек, Федерлайнда рафиқаси карьерасини бирозга тўхтатиши ва оилага вақт ажратиши истаги пайдо бўлган. Шу билан бирга, у дўстлари билан учрашув ва тунги клубларни афзал кўрган. 2006 йилда уларнинг иккинчи ўғли дунёга келган. Аммо фарзандлар ҳам эрининг ишлаши учун сабаб бўлолмаган. Ваниҳоят Бритни ажрашиш учун ариза берганида, Федерлайн ундан муваффақиятсиз альбоми учун катта миқдорда тўлов талаб этган. Албатта, Бритнининг энг яхши қарори бу инсондан қочиш бўлган ва шундан сўнг оила қурмаган.

Бритни Спирс ва Жейсон Тревик

2011 йилда Бритни 40 ёшли агент Жейсон Тревик билан оила қурмоқчи бўлган. Тўй санаси улар умуман айрилиб кетгунига қадар икки марта қолдирилган. Шу тарзда унинг яна бир муносабати муваффақиятсиз якун топган.

Том Круз ва Кети Холмс

Том Круз ва Кети Холмснинг ҳис-туйғулари оммага маълум эди. Жуфтликнинг ажойиб тўйи, қизи Сурининг туғилиши ва 2012 йилда уларнинг ажрашгани ҳақида миш-мишлар қулоққа чалинган. Аммо 10 йил аввал Том ўз севгиси ҳақида баралла жар солишга ҳам тайёр эди. Актёр Кети Холмс билан ажрашганидан кейин қизига тобора камроқ эътибор қаратган ва кейинчалик қизини кўришни умуман истамаслигини ҳам маълум қилган.

Деми Мур ва Эштон Катчер

Деми 5 йил аввал ёш актёр Эштон Катчер билан ажрашган. Актриса бундан тушкунликка тушиб, жуда кўп муаммоларга дуч келган. Шунинг учун ҳам у касалхонага ётқизилган, сўнгра реабилитация марказида даволаниб чиққан. Ўша вақтда Демининг бошқалар билан муносабати шунчаки бўлиб, ҳеч бири жиддий тус олмаган. Актриса шундан сўнг бошқа оила қурмаган.

Шарлиз Терон ва Стюарт Таунсенд

2001 йилда Шарлиз ва Стюарт суратга олиш майдончасида танишган. Жуфтлик тўй қилишга қарор қилган, аммо 2010 йилда Шарлиз бундан воз кечган. Актрисанинг дўстларининг айтишича, у муносабатни ўзи тугатган, чунки улар севишганга эмас, дўстларга ўхшай бошлаган. Стюартнинг ўзи Шарлизни рафиқаси деб билган, гарчи улар расмий никоҳдан ўтмаган бўлса-да. Шунингдек, уларнинг ажрими расмийликни талаб этмаса-да, орада ҳисоб-китоб масалалари ҳам бўлган. Шундан кейин жуфтлик тинч йўл билан ажрашиб кетган. Бундан ташқари, актриса ҳамкасби Шонн Пенн билан бошланган муносабатини ҳам тезда якунлаган. 2012 йилда актриса ўғил асраб олган эди, Пенн билан алоқани узганидан сўнг Август исмли қизни фарзандликка олган.