Турк киносаноати билан боғлиқ энг муҳим янгиликларни эътиборингизга ҳавола этишда давом этамиз.
29 январь куни Star TV каналида Ўзжан Дениз бош қаҳрамон ролини ижро қилган «Сени узоқ кутдим» сериали премьераси бўлиб ўтди. Узоқ кутилган фильм рейтингда паст кўрсаткич қайд этган ва эътирозларга сабабчи бўлган. Мухлислар қаҳрамон қиз ролини гавдалантирган Ирем Ҳалважиўглунинг актрисалик маҳорати етишмаслиги ва сюжетда ўзига хослик йўқлигини танқид қилган.
Аммо паст кўрсаткичлар актёрнинг собиқ рафиқаси премьерадан аввал эри уни ўлдиришга уринганини овоза қилгани билан боғлиқлиги эҳтимоли ҳам йўқ эмас. Чунки Ўзжаннинг ўзи буларнинг бари атайин янги лойиҳа намойишидан аввал уюштирилгани ва бу унинг ижодий фаолиятига қарши акция эканини таъкидлаган. Posta газетаси эса Денизнинг ўзидан 23 ёш кичик эронлик дизайнер Самар Дадгар билан муносабатда эканини маълум қилган.
Марям Узерли қизлари Лара ва Лили билан бирга тушган суратларини эълон қилди. Актрисанинг иккинчи фарзанди 2021 йилнинг 8 январь куни дунёга келганди.
Иброҳим Челикколенинг рафиқаси иккинчи марта ота-она бўлишни режалаштираётганини маълум қилган. Жуфтлик қизлик бўлишни истаётганини айтиб, аллақачон исм танлаб қўйганини маълум қилган. Иброҳим ва Михре 2017 йилда турмуш қурган ва 2019 йилда илк марта фарзандли бўлган.
Гулсерен Будайижиўглу асари асосида OGM Pictures томонидан суратга олинган «Маъсумлар хонадони» ва «Қизил хона» сериаллари машҳурликка эришишга муваффақ бўлган. Навбат Гулсерен қаламига мансуб «Ойна ортидаги қиз» китобига. OGM Pictures томонидан суратга олинадиган сериал премьераси 2021 йилнинг февраль ойи сўнгида бўлиши режалаштирилган.
Элчин Сангу InStyle журналининг февраль сонидаги муқоваси учун суратга тушди.
Энгин Ўзтурк Sözcü газетасига берган интервьюсида Мустафо Камол Отатуркка бағишланган фильмда роль ижро қилишни орзу қилишини билдирган. Актёр унинг тарих саҳифаларида муҳрланмаган ҳаётидаги лаҳзаларни гавдалантиришни ва инсон сифатида феъл-атворини истайди.
Жан Яман «Сандокан» сериалида суратга тушиш учун тайёргарлик ишларини бошлаб юборган.
Мавзуга доир:
- Ёшидаги катта тафовут турмуш қуришига тўсиқ бўла олмаган турк киноси юлдузлари (фото)
- «Муҳташам юз йил» 10 ёшда: Оламшумул муваффақият қозонган сериал ҳақида қизиқарли фактлар (фото)
- Неслиҳан Атагул ва Керем 2020 йилнинг энг яхши турк актёрлари сифатида эътироф этилди (фото)
- Ишдаги ишқ: Муносабатлари тўйгача етиб бормаган турк киноси юлдузлари (фото)