“Elchining qizi” serialida Gediz obrazini ijro etgan aktyor Uraz Kaygilarog‘lu loyihani tark etadi. Bu haqda sharhlovchi Birshen Altuntash prodyuserlar guruhi bilan suhbatdan so‘ng aytib o‘tdi, deb yozadi “RusTurkey.com”.

Foto: Instagram / @urazka

Altuntash bergan ma’lumotlarga ko‘ra, aktyorning loyihadan ketishi 2021-yilning aprel oyiga rejalashtirilgan edi. Ammo Neslihan Atagulning to‘satdan serialni tark etishi natijasida ssenariyga o‘zgartirishlar kiritilgan. Shu tufayli Uraz 2-3 qismdan so‘ng loyihani tark etadi.

Foto: YouTube

“Ssenariy tubdan o‘zgartirildi. Jamoa reytingda ko‘tarilishni kutmoqda. Chunki Engin Akyurek va Tuba Buyukustun juftligi turk tomoshabinlari orasida misli ko‘rilmagan shov-shuvga sabab bo‘lgan”, − deya qo‘shimcha qildi Altuntash.

Foto: “Kinoteka”

Ma’lum bo‘lishicha, “Elchining qizi” serialida Neslihan Atagul ijro qilgan Nare rolini bundan buyog‘iga Tuba Buyukustun gavdalantiradi. Avvalroq salomatligi yomonlashgani sabab Neslihan Atagul Instagram sahifasida ushbu serialda boshqa suratga tushmasligi va biroz muddat dam olishga ehtiyoji borligi haqida xabar berilgandi.

Serialda Gediz rolini ijro etgan Uraz Kaygilarog‘lu loyihani tark etishi haqidagi ma’lumotni tasdiqlagan va hamkasblariga birgalikdagi ijodiy jarayon uchun minnatdorchilik bildirgan.

Foto: “Kinoteka”

Shuningdek, biroz avval serialda Menekshe rolini ijro qilgan aktrisa – Tulin Yazkan hamda Sahra obrazida namoyon bo‘lgan Deniz Ishin ham loyihani tark etgan.